2 Korintus 8:5 - En Taar Weru a nunuwu' é Tontemboan

⁵ Si aiwéé éra itu lumébé-lébéo mai asi pinaarap ami. Iwéé era en owak éra kataré-taré a si Amang Kasuruan, kumawus in itu sarakan éra en owak éra ai cami. Séra iméma' tanu siitu kumiit ing kasalé'an i Amang Kasuruan.

2 Korintus 8:5 ပူးပေါင်းရင်းမြစ်များ

Roma 12:1

Poo-poowku an esa paémanen! Ampa'paan si Amang Kasuruan itumuru'o ing kaupusan-Na ai cita, ampa'paano in itu sina'uenku kamu wosama' kamu méé in owak iow tanu raragés menonou, si le'nas wo ka'i si méma' in até-Na arui. Siituo em pengaapo' iow si mauli-ulit.

Roma 6:13

Wo tioo isarakan iow sé an owak iow mamuali pakakas eng kawasan ing kamesé-meséaan e méma' ing kaléwo-léwo'an. Taan isarakano mio' en owak iow a si Amang Kasuruan ampa'paan kamu ra'io pakakawasaan im papaté wo menonou ang katouan weru. Wo isarakano mio' pakasa sé an owak iow a si Amang Kasuruan em pakén torona méma' in sususuien wutul-Na.

1 Korintus 1:1

En surat anio' a yaku owo Paulus, si tinowao mamuali ruru'du'- an i Yesus Kristus kumiit ing kasalé'an i Amang Kasuruan. Wo en surat anio' aipaticku wo si Sostenes, poowta an esa paémanen.

2 Korintus 4:5

En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

2 Korintus 8:1

Poo-poow, icasalé' ami kailekan iow andumoro' tambisa en upus aitambér i Amang Kasuruan a sé jamaat a Makedonia.