2 Korintus 8:23 - En Taar Weru a nunuwu' é Tontemboan

²³ Si Titus karapiku matawoi en sumémbong ai camu. Wo sé rua poow itu, sé mangé ang karapina, séra sé tou ayutus é jamaat wo sé marayo wo masiri' si Kristus ang karapi im pakaselewir éra.

2 Korintus 8:23 ပူးပေါင်းရင်းမြစ်များ

Lukas 5:10

Taniitu ka'i sé kara-karapi i Simon, si Yakobus wo si Yohanes sé toyaang i Zebedeus, séra mangaya-ngaya'ka' isuméré in itu. Wo icua i Yesus a si Simon, “Simon tioo maindé'! Ico manaram mengatangka' sera', taan tumo'tol intarépé' ko mengaéré oka tou eng kumiit Yaku.”

Lukas 5:7

Wo kapéien éra sé kara-karapi éra an londéi walina wosama' séra mai sumémbong. Wo sé kara-karapi éra itu mai wo mewali-wali mumpun sé sera' asé rua londéi itu akar imawuta, akar sé londéi itu tawio tuminep.

Yohanes 13:16

En ulitna icua-Ku mangé ai camu, si esa ata ra'ica lumébémai wo si tuangna, kuma'pa si esa tou ayutus ra'ica lumébémai wo si tou si mutus sia.

1 Korintus 11:7

Sé tuama ra'ica sangali kumungkung in do'kos, ampa'paan sé tuama itu mengaturu' im peri wo ing kawangko' i Amang Kasuruan. Taan sé wéwéné makungkung in do'kos, ampa'paan sia maturu' ing kawangko'an é tuama.

2 Korintus 12:18

Airu'du'kuo si Titus mai ai camu, wo rumu'du' si poow esa am paémanen walina mangé mewali-wali wo isia. Mindo réén ing kauntungan si Titus ai camu? Em perina wo em periku meputé wo taniitu ka'i em pakatawoi.

2 Korintus 7:6

Taan makapulu'sama' a si Amang Kasuruan si mengaibor sé tou sama' en até. Sia mengaarui in até ami an tutuw si Titus mai ai cami.

2 Korintus 8:16

Icua ami makapulu'sama' a si Amang Kasuruan, ampa'paan an até i Titus winéan-Nao mai ing kasalé'an wangko' en tumawang icamu, an até i Titus meputé wo si an até ami.

2 Korintus 8:18

E maangé ra'ica si Tituske' in esa, yutus ami ka'i si esa poowta maéman mewali-wali wo sia maangé ai camu. Si poowta itu parayo-rayo am pakasa in jamaat ampa'paan en tawoienna makua in Abar Kaaruien andumoro' i Yesus Kristus.

2 Korintus 8:19

Wo ra'ica siituke', si poowta itu ka'i aituru'o é jamaat eng kumarapi icami an tutuw ami maali in doit ipatawang an Yerusalem. Kami maarap en doit ipatawang itu e mamuali rarayo wo in sisiri' a si Amang Kasuruan wo ka'i mamuali tuus sapaoka kami uli-ulit masalé' tumawang.

2 Korintus 8:22

Mewali-wali wo si Titus wo si esa poow, yutus ami ka'i si esa poow walina mangé mewali-wali wo iséra. Si poow itu pinenguri-ngurio niuji, wo kinaséréano ami sapaoka sia masalé' sumémbong. Wo intarépé', sia lébé masalé' sumémbong icamu, ampa'paan sia uli-ulit mercaya icamu.

2 Korintus 8:6

Ampa'paan in ituo, linesé' ami si Titus mangé ai camu wo lumekep in sumuun in doit ipatawang anio'. Ampa'paan siao eng kataré tumo'tol in tawoien anio' an uner iow.

Filipi 2:25

Wo anggapenku ka'i perlu yutus angé sumawel si Epafroditus ai camu si aicirim iow en sumelewir ing kaperluanku. Sia imamuali poow an esa paémanen wo katawoiku mengakua in Abar Kaaruien andumoro' i Yesus Kristus wo mewali-wali maraméji méma' in tawoien si airu'du' i Amang Kasuruan.

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

Kolose 1:7

Pakasa en Abar Kaaruien andumoro' i Yesus Kristus itu, kinailekan iow asi Epafras owo si karapi ami maselewir si caupus ami. Sia le'tek mengaselewir asi Kristus torona ing kalooran iow.

1 Tesalonika 2:2

Kailekan iow ka'i, an tutuw ami ra'ipé' mai ai camu, kami niokoio wo aiséroo an Filipi. Taan mandé ka'i in taniitu kami tinawango i Amang Kasuruan wosama' kami ra'ica wana eng kaindé'an eng kumua in Abar Kaaruien-Na ai camu.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

Titus 1:4

Éi Titus, ico nianggapkuo toyaangku in esa, ampa'paan kita in dua puté maéman a si Kristus Yesus. Pekiupusenku a si Amang Kasuruan wo si Kristus Yesus Lumolowirta tumambérai in upus wo ing kaeluran ai co.

Filemon 1:17

Ampa'paano in itu, sa anggapenmu aku karapimu an esa paémanen, terimano mangé sia tanuoka ko tumerima yaku.

Filemon 1:24

Sé kara-karapiku an esa tawoien, si Markus, si Aristarkhus, si Demas wo si Lukas, séra ka'i cumirim mai in siri' ai co.

3 Yohanes 1:8

Anaé, séra musti teriman wo tawangenta, wosama' kita ro'na mamuali kara-karapi an tawoien en sumusui in sususuien wutul i Amang Kasuruan.