2 Korintus 8:21 - En Taar Weru a nunuwu' é Tontemboan

²¹ Ampa'paan casalé' ami e méma' im butul, ra'ica an diorke' i Amang Kasuruan taan an dior é tou ka'i.

2 Korintus 8:21 ပူးပေါင်းရင်းမြစ်များ

Matius 23:5

Pakasa em pengaémaan éra asalo ipapaturu' éra a sé tou. Séra mengapaké in tali sombayang si aipetutu' éra winangkeran toyo' wo e rumbai in juba aipetutu' éra ka'i linambot.

Matius 5:16

Tanu siituo ka'i wo icamu, en sendotmu musti tumélang an dior é tou wosama' sérén éra em pengaémaanmu loor wo marayo-rayo si Amangmu an sorga.”

Matius 6:1

“Ta'néieno mangé, tioo paémaan iow en atoran in agama an dior é tou wosama' sérén éra wo irayo éra kamu, ampa'paan sa kamu maéma' tanu siitu, ra'ica kéréan iow en laasa i Amang iow an sorga.

Matius 6:4

Anaé, en aiwéé miow itu iwééo mangé i maene-enep, wo in taniitu si Amang iow si makaséré mai sé icaenep, suli'an-Na oka ai camu sapa si niéma' miow itu.”

Roma 12:17

Tioo kamu mengasuli' in léwo' a sé tou sé mengaéma' in léwo' ai camu. Taan émaano mangé sapa sé paanggapen loor é pakasa in tou.

Roma 14:18

Anaé, si séi mengaselewir a si Kristus tanu siitu, sia maruio in até i Amang Kasuruan wo ka'i pasiri-siriin é tou walina.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

2 Korintus 8:20

Kami mareti-reti wosama' ra'ica wana tou e méé ing kaséaan ai cami an tutuw ami murus in doit keli anio'.

2 Korintus 8:22

Mewali-wali wo si Titus wo si esa poow, yutus ami ka'i si esa poow walina mangé mewali-wali wo iséra. Si poow itu pinenguri-ngurio niuji, wo kinaséréano ami sapaoka sia masalé' sumémbong. Wo intarépé', sia lébé masalé' sumémbong icamu, ampa'paan sia uli-ulit mercaya icamu.

Filipi 4:8

Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.

1 Tesalonika 5:22

Wo tumayang angé kamu asé im pakasa sé léwo'.

1 Timotius 3:7

Sé tou mengatilik an jamaat, e ngaran wo em perina musti loor a sé tou ra'ipé' maéman, wosama' sia ra'ica iséro' é tou wo ra'ica katawéran in ta'kong i kikiiten é sétang.

1 Timotius 5:14

Ampa'paan ituo icasalé'ku sé balu wéwéné wo'basé' wosama' séra masalé'pé' kawéngen sumawel. Sa séra kawéngené' sumawel, séra ro'napé' makéré toyaang wo murus im pamalé éra in esa. Wo in taniitu si kikiiten é sétang ra'- ica wana témpo e maké sé tou e muruk i ngaranta tou maéman.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.