2 Korintus 8:20 - En Taar Weru a nunuwu' é Tontemboan

²⁰ Kami mareti-reti wosama' ra'ica wana tou e méé ing kaséaan ai cami an tutuw ami murus in doit keli anio'.

2 Korintus 8:20 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Roma 14:16

Ampa'paano in itu tioo iwaya miow sé loor ai camu itu, méma'ké' taré sé tou walina muruk i ngaran iow.

1 Korintus 16:3

An tutuw aku imayo ai camu ang Korintus, yutusku oka mangé piraan tou sé paweroten iow ro'na patokéan e maali mangé in doit sé lini'uso miow itu. Wéanku oka séra surat em paalin wosama' en doit lini'us iow itu paalin éra mangé an Yerusalem.

2 Korintus 11:12

Sapa em pinengaéma'ku intarépé' si ra'ica tumerima in tatawang ai camu pengéma-ngémaanku oka. Wo in taniitu sé ruru'du'an wangko' itu ra'io toro ka'i rumayo in owak wo kumua em pengaémaan éra meputé wo sé niéma' ami.

2 Korintus 8:19

Wo ra'ica siituke', si poowta itu ka'i aituru'o é jamaat eng kumarapi icami an tutuw ami maali in doit ipatawang an Yerusalem. Kami maarap en doit ipatawang itu e mamuali rarayo wo in sisiri' a si Amang Kasuruan wo ka'i mamuali tuus sapaoka kami uli-ulit masalé' tumawang.

2 Korintus 8:21

Ampa'paan casalé' ami e méma' im butul, ra'ica an diorke' i Amang Kasuruan taan an dior é tou ka'i.

Efesus 5:15

Anaé, sérén sumama-sama' tambisa eng katouan iow. Tioo kamu menonou tanuoka sé tou bodok, taan menonouo mangé tanuoka sé tou pandéi.

1 Tesalonika 5:22

Wo tumayang angé kamu asé im pakasa sé léwo'.