2 Korintus 8:16 - En Taar Weru a nunuwu' é Tontemboan

¹⁶ Icua ami makapulu'sama' a si Amang Kasuruan, ampa'paan an até i Titus winéan-Nao mai ing kasalé'an wangko' en tumawang icamu, an até i Titus meputé wo si an até ami.

2 Korintus 8:16 ပူးပေါင်းရင်းမြစ်များ

2 Korintus 7:12

Anaé, mandé ka'i aipatickuo en surat itu, ipaticku ra'ica ampa'paan i tou meséa'. Ra'ica ka'i ampa'paan i tou mawendu ampa'paano ing kaséaan itu. Ipaticku en surat itu wosama' an dior i Amang Kasuruan, pendamen iow in esa sapaoka kamu uli-ulit meméé-méé rékén ai cami.

2 Korintus 7:7

En até ami kinaiboran ampa'paan isumeréo si Titus, wo kami lébé maibor ka'i ampa'paan aicuana sapaoka en aténa maibor ampa'paan icamu. Aicuana ai cami sapaoka kamu lumeloo keli meta'up wo yaku, kamu ka'i maneselo asé pinengaéma' miow indior wo intarépé' rumaméji méla yaku. Pakasa en itu méma' yaku lébé arui.

2 Korintus 8:23

Si Titus karapiku matawoi en sumémbong ai camu. Wo sé rua poow itu, sé mangé ang karapina, séra sé tou ayutus é jamaat wo sé marayo wo masiri' si Kristus ang karapi im pakaselewir éra.

2 Korintus 8:6

Ampa'paan in ituo, linesé' ami si Titus mangé ai camu wo lumekep in sumuun in doit ipatawang anio'. Ampa'paan siao eng kataré tumo'tol in tawoien anio' an uner iow.

Filipi 2:20

Ra'ica wana tou tanu si Timotius, si esa até wo esa wewerot wo yaku. Sia wutu-wutul mawéé rékén ing katoronaan iow.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

Wahyu 17:17

Ampa'paan si Amang Kasuruan matawoi an até éra wosama' émaan éra sapa en icasalé'-Na. Ampa'paan in ituo séra meesa e méé ing kawasa éra a si binatang itu, akar linekepo waya sé aicua-Na.