2 Korintus 8:12 - En Taar Weru a nunuwu' é Tontemboan

¹² Sa kita mawéé ang karapi in lekep en até, teriman oka i Amang Kasuruan sapa sé aiwééta kiit ing kawooanta. Ampa'paan si Amang Kasuruan ra'ica kawisa mako tumuntut ai cita e méé si ra'ica kawooanta.

2 Korintus 8:12 ပူးပေါင်းရင်းမြစ်များ

Matius 25:17

Taniitu ka'i si ata tinokéana rua talenta. Sia ka'i mangé mangkér, wo en untungna ka'i rua talenta.

Matius 25:22

Kumawus in itu, muntepai si ata tinokéan rua talenta, icuana, ‘Tuang, yaku tinokéan i tuang rua talenta. Sérénai, en untungku ka'i rua talenta.’

Lukas 16:10

Si tou ro'na tokéan in tawoien teké', sia ka'i ro'na tokéan in tawoien wangker. Taan si tou ra'ica toro tokéan in tawoien teké', sia ka'i ra'ica toro tokéan in tawoien wangker.

2 Korintus 8:11

Wo intarépé' ilala'uso em pengaémaan iow kiit ing kawooan iow. Kamu maincaya' an tutuw kamu mawasa sumuun roit ipatawang, anaé intarépé' maincaya'o mangé en lumekep in sumuun in doit ipatawang itu.

2 Korintus 8:13

Yaku ra'ica mawasa mawes im pamuléngén iow wosama' em pamuléngén é tou walina maporak, taan icasalé'ku, kita mewali-wali tumawang im paperlun é tou walina kiit ing kawooan i esa wo si esa, wosama' puté em pamuléngén.

2 Korintus 8:19

Wo ra'ica siituke', si poowta itu ka'i aituru'o é jamaat eng kumarapi icami an tutuw ami maali in doit ipatawang an Yerusalem. Kami maarap en doit ipatawang itu e mamuali rarayo wo in sisiri' a si Amang Kasuruan wo ka'i mamuali tuus sapaoka kami uli-ulit masalé' tumawang.

2 Korintus 9:7

Sa woo ro'na si esa wo si esa tou musti musé' an até e mengawéé. Tioo manesel mengawéé kuma'pa ampa'paan pinelesé'. Ampa'paan si Amang Kasuruan mengaupus sé tou sé mengawéé ang karapi in arui en até.

1 Petrus 4:10

Kamu si esa wo si esa itumerimao ing kamang aitambér i Roh Le'nas, anaé musti pakén iow sumama-sama' eng kamang aitambér itu en sumelewir sé kakélé tou.