2 Korintus 8:11 - En Taar Weru a nunuwu' é Tontemboan

¹¹ Wo intarépé' ilala'uso em pengaémaan iow kiit ing kawooan iow. Kamu maincaya' an tutuw kamu mawasa sumuun roit ipatawang, anaé intarépé' maincaya'o mangé en lumekep in sumuun in doit ipatawang itu.

2 Korintus 8:11 ပူးပေါင်းရင်းမြစ်များ

2 Korintus 8:12

Sa kita mawéé ang karapi in lekep en até, teriman oka i Amang Kasuruan sapa sé aiwééta kiit ing kawooanta. Ampa'paan si Amang Kasuruan ra'ica kawisa mako tumuntut ai cita e méé si ra'ica kawooanta.

2 Korintus 8:19

Wo ra'ica siituke', si poowta itu ka'i aituru'o é jamaat eng kumarapi icami an tutuw ami maali in doit ipatawang an Yerusalem. Kami maarap en doit ipatawang itu e mamuali rarayo wo in sisiri' a si Amang Kasuruan wo ka'i mamuali tuus sapaoka kami uli-ulit masalé' tumawang.

2 Korintus 8:3

Yaku ro'na méé ing kasairian ai camu sapaoka séra imééo kumiit ing kawooan éra, en ulitna ilumébéo mai asi kinawooan éra. Wo séra mawéé ang karapi in lekep en até.

2 Korintus 9:2

Ampa'paan kailekankuo kamu masalé' mengatawang, wo kamu aitirayokuo a sé jamaat a Makedonia. Ipakuaku ai séra sapaoka kamu an sangkum in Akhaya tu'tulo méé in doit tatawang tumo'tolke' mai asi ta'un ilumangkoi. Wo eng kaincayaan iow imuwaso in até é kinakelian ai séra e mekiit méé roit tatawang.