2 Korintus 8:10 - En Taar Weru a nunuwu' é Tontemboan

¹⁰ Kiit im bewerotku, an témponao lekepen iow sapa sé niéma'o miow tumo'tol asi ta'un lumangkoi. Ampa'paan icamuo eng kataré-taré merot wo tumo'tol in tawoien mengawéé roit ipatawang.

2 Korintus 8:10 ပူးပေါင်းရင်းမြစ်များ

Matius 10:42

Si séike' e méé elepen, mandé wayake' in sanga gelas rano uting a si esa tou wawa' anio' ampa'paan sia mengakiit Yaku, en ulitna icua-Ku mangé ai camu, sia ra'ica kawisa katalaan in laasana.”

Yohanes 11:50

Ra'ica kaangéan iow sapa si loor ai camu. Lébé loor esake' tou e maté wotaré cita im baya tou Yahudi pakapaté-patén é tou Romawi.”

Yohanes 16:7

Taan en aicua-Ku anio' wutul, lébé awéan eng katoronaan ai camu sa Aku maangém a si Amang, ampa'paan sa Aku ra'ica maangé, si Roh Matawang itu ra'ica kawisa maai ai camu. Taan sa Aku maangém, yutus-Ku oka mai Sia ai camu.

Yohanes 18:14

Si Kayafas anioo en sumangkumo sumina'u sé kikiiten é tou Yahudi tanu si anio', “Lébé loor esake' tou e maté wotaré pakasa sé tou Yahudi pakapaté-patén.”

1 Korintus 10:23

Poo-poow, awéan sé tou makua in tana'i, “Sapake' sé icasalé'ta ro'na émaanta.” En itu wutul, taan ra'ica pakasa sé icasalé'ta itu awéan en torona. “Ro'na émaanta sapake' sé icasalé'ta” taan ra'ica pakasa sé icasalé'ta itu ro'na méé ing kaketeran in até é tou.

1 Korintus 16:2

Susur in ari Duminggu, kamu si esa wo si esa mengatané mio' roit kiit eng kinéréan i esa wo si esa. Wo yéma' miow sé roit itu wosama' an tutuw aku mai, kamu ra'io sangali ka'i lumi'us roit.

1 Korintus 6:12

Awéan tou an uner iow makua, “Sapa-sapake' ro'na émaanku.” Taan sa aku, ra'ica pakasa sé pengaémaan é tou awéan torona. Anaé, mandé ka'i aku ro'na méma' in sapake' mangé, taan ra'ica kiimku en owakku kawasan in sapake' mangé itu.

1 Korintus 7:25

Intarépé' aku rumoma' andumoro' sé tou ra'ipé' icumawéng, mangala'un kuma'pa mangalitou. Andumoro' iséra itu, aku ra'- ica makéré perénta asi Casuruan owo. Taan aku si tou ro'na papercayan iow, ampa'paan si Casuruan tumuru'o ing kaupusan-Na a yaku, méé im bewerotku andumoro' iséra.

1 Korintus 7:40

Taan iciit im pakawerotku in esa, sia lébé arui sa sia ka'i ra'ica kawéngen. Wo pendamenku e Roh i Amang Kasuruan maakin yaku an tutuwku makua sé itu.

2 Korintus 12:1

Yaku musti tumirayo andumoro' in owakku, mandé ka'i en itu ra'ica wana torona. Taan icasalé'ku tumirayo andumoro' sé ipapaturu' i Casuruan a yaku.

2 Korintus 8:6

Ampa'paan in ituo, linesé' ami si Titus mangé ai camu wo lumekep in sumuun in doit ipatawang anio'. Ampa'paan siao eng kataré tumo'tol in tawoien anio' an uner iow.

2 Korintus 8:8

Sé ipakuaku andumoro' in doit ipatawang itu, ra'ica esa perénta ai camu. Taan en icasalé'ku kakailekan iow tambisa eng kaincayaan é tou walina en tumawang sé kakéléna, akar kamu ka'i kumiit tumawang iséra. Wo in taniitu icasalé'ku suméré sapaoka kamu uli-ulit mengaupus sé tou walina.

2 Korintus 9:2

Ampa'paan kailekankuo kamu masalé' mengatawang, wo kamu aitirayokuo a sé jamaat a Makedonia. Ipakuaku ai séra sapaoka kamu an sangkum in Akhaya tu'tulo méé in doit tatawang tumo'tolke' mai asi ta'un ilumangkoi. Wo eng kaincayaan iow imuwaso in até é kinakelian ai séra e mekiit méé roit tatawang.

Filipi 4:17

Icuaku en itu ai camu ra'ica ampa'paan yaku maarap ka'i im patawang iow. Taan en icasalé'ku, kamu tumerima ing kamang lumepe-lepet asi Casuruan ampa'paan kamu sumuuno ing kasiyaan an sorga.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.