2 Korintus 7:7 - En Taar Weru a nunuwu' é Tontemboan

⁷ En até ami kinaiboran ampa'paan isumeréo si Titus, wo kami lébé maibor ka'i ampa'paan aicuana sapaoka en aténa maibor ampa'paan icamu. Aicuana ai cami sapaoka kamu lumeloo keli meta'up wo yaku, kamu ka'i maneselo asé pinengaéma' miow indior wo intarépé' rumaméji méla yaku. Pakasa en itu méma' yaku lébé arui.

2 Korintus 7:7 ပူးပေါင်းရင်းမြစ်များ

Matius 26:75

Wo kata'néiano i Petrus en aicua i Yesus ai sia, “Ra'ipé' kumukuk si co'ko', ko makateluo sumangkal Yaku.” Wo sia kumesot wo maamé' akar i masesendu'an oka.

Matius 5:4

Pakakamangen sé tou mala'lu-la'lu, ampa'paan séra itu iboren oka.

Lukas 22:44

Wo si Yesus mendam tambisa eng kauterna ing kawenduan wo maindé', anaé Sia lébé mauli-ulit masombayang. Wo en limuut-Na mamuali tanuoka enda' matiis an tana'.]

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Roma 1:12

Em peangé-angénku sa aku an uner iow am bitu, kita ro'na membém-béan ing kaketeran im paémanen a si Amang Kasuruan.

1 Korintus 5:2

Mandé ka'i an uner iow awéan tou maéma' ing kameséaan tanu siitu taan kamu tirayopé'. Si patus ai icamu, kamu musti masusa en até wo si tou maéma' ing kaléwo'an itu musti icesot iow an jamaat.

2 Korintus 1:14

Intarépé', mandé kamu ra'ipé' talos makailek andumoro' icami, taan an tutuw i Apo' Yesus maai sumawel, kamu tirayo oka ampa'paan kami taniitu ka'i kami tirayo oka ampa'paan icamu.

2 Korintus 1:4

Sia mengaibor icami am pakasa ing kawenduan ami. Sia maibor taniitu wosama' kami ro'na mibor sé tou walina an sapake' eng kawenduan éra, ang karapi im paiboran si tinerima ami asi Amang Kasuruan.

2 Korintus 2:9

Indior aipaticku en surat ai camu e muji sa kamu wutu-wutul mengakiit sé aituru'kuo.

2 Korintus 5:2

An tutuw icita makaento' asi ténda anio', icita mangimbulu wo icasalé'ta keli e mangé mento am balé an sorga.

2 Korintus 7:6

Taan makapulu'sama' a si Amang Kasuruan si mengaibor sé tou sama' en até. Sia mengaarui in até ami an tutuw si Titus mai ai cami.

2 Korintus 7:8

Anaé, mandé ka'i en suratku indior méma'o in até miow mawendu, yaku ra'ica manesel imatic in surat itu. Wutul aku isumangkumo manesel matic in surat itu, ampa'paan pakasérénku en surat itu méma' in até miow mawendu, mandé ka'i eng kawenduan itu ang karoro'anke'.

2 Korintus 8:16

Icua ami makapulu'sama' a si Amang Kasuruan, ampa'paan an até i Titus winéan-Nao mai ing kasalé'an wangko' en tumawang icamu, an até i Titus meputé wo si an até ami.

Filipi 1:20

En icasalé'ku wo em paarapenku wosama' aku ra'- ica papalawi' mengaéma' in tawoien si aiwéé i Amang Kasuruan. Wo em butulna en casalé'ku sapaoka intarépé' aku kasake' ra'ica maindé' mengakua andumoro' i Kristus kaputé indior. Anaé aku menonou kuma'pa maté ra'ica sapa-sapa, em penting keli si Kristus em parayo wo pasiriin am pakasa sé pengaémaanku.

Kolose 2:5

Ampa'paan mandé ka'i aku ra'ica an uner iow taan en atéku kasake' ang karapi miow. Wo aku arui an tutuw luminga sapaoka kamu menonou mensan-samaan si esa wo sé walina wo em paémanen iow a si Kristus kasake' keter.

1 Tesalonika 3:6

Intarépé' si Timotius imaréngo mai ai cami wo icuana ai cami en abar in andumoro' icamu an Tesalonika wo iméma'o icami arui. Aisisilna sapaoka kamu kasake' maéman a si Yesus wo meupu-upusan. Aicuana ka'i sa kamu makata'néi icami, en até miow arui. Wo kamu masalé' meta'up sumawel wo icami, puté ka'i wo icami masalé' meta'up wo icamu.

1 Tesalonika 3:8

Wo intarépé' pendamen ami wutu-wutul menonou awéan en torona, asalo kamu tatap maéman a si Casuruan wo meesa ang karapi-Na.

Ibrani 2:1

Ampa'paan si Yesus e rumangka' mai wo sé malaékat, anaé musti timboianta mauli-ulit en sususuien sé liningatao andumoro' Sia, oréoka kita katawéran kumiit in sususuien walina akar ra'io ka'i maéman ai Sia.

Yakobus 5:17

Si Elia tou kaputéta. Sia uli-ulit masombayang mangilek ra'ica toro muran, wo uli- ulit tuu ra'ica tumumpa en uran ang kayo'baan telu ngata'un wo enem ngaserap eng kauré.

2 Yohanes 1:4

Yaku arui keli ampa'paan kinailekankuo sapaoka awéané' sé toyaang i inang e menonou makiit in sususuien wutul, meputé wo si aiperénta i Amang ai cita.

Yudas 1:3

Poo-poow sé icaupusku! En ulitna si paangé-angénku asi kataré-taré, yaku masalé' keli woo matic in surat ai camu andumoro' ing kalowiran si tinerimatao im baya. Taan intarépé' icasalé'ku keli e matic andumoro' sé walina torona miow. Icasalé'ku en sumina'u icamu wosama' kamu rumaméji kasake' imaéman. Em paémanen itu makasake' iwéé i Amang Kasuruan a sé tou le'nas akar ing kauré-uré.