2 Korintus 7:5 - En Taar Weru a nunuwu' é Tontemboan

⁵ An tutuw ami icateka' a Makedonia ka'i, pakasa en owak ami wutu-wutul ra'ica makapendam in elur. Am bisa-wisake' ipengapeta'up ami eng kasusaan: awéan kaperéndéran ang kesot wo awéan kaindé'an an até ami.

2 Korintus 7:5 ပူးပေါင်းရင်းမြစ်များ

Kisah Para Rasul 20:1

An tutuw é tou an Efesus meelurano wo towan i Paulus sé tou maéman am bitu wo wéanna kaketeran em paémanen. Wo sia mekiupus en tumela'u iséra wo mangé a Makedonia.

Roma 15:26

Ampa'paan sé jamaat a Makedonia wo an Akhaya lumi'uso roit em béé a sé tou lengéi an uner é tou le'nas an Yerusalem.

1 Korintus 15:31

Poo-poowku, susur in éndo aku mensaruan wo im papaté, ampa'paan aku marayo ing katouan iow ampa'paan kamu maémano a si Kristus Yesus Apo'ta.

1 Korintus 16:5

Intarépé' aku mawasao maangé a Makedonia. Sa e Makedonia pinakali'cirkuo, aku maai oka ai camu ang Korintus.

2 Korintus 2:13

Taan aku ra'ica makaaté in sama', ampa'paan a mangé mbitu aku ra'ica meta'up wo si poowta Titus. Anaé, aku mapermisi a sé tou asi tampa itu wo mangé a Makedonia.

2 Korintus 2:3

An tutuw aku matic in suratku indior, kamu rinomaanku. Wo in taniitu sa aku maai sumawel ai camu ang Korintus, yaku ra'ica mawendu. Icamuo e musti maarui yaku. Ampa'paan percayanku sapaoka sa aku arui kamu ka'i arui.

2 Korintus 2:9

Indior aipaticku en surat ai camu e muji sa kamu wutu-wutul mengakiit sé aituru'kuo.

Galatia 4:11

En icaindé'ku oréoka pakasa sé pinakepé-kepéanku mai mengakua in andumoro' i Yesus ai camu mara'i-ra'ike'.

1 Tesalonika 3:5

Ampa'paan in ituo ayutus ami si Timotius ai camu ampa'paan kami ra'io makatang sa ra'io luminga in abar andumoro' icamu. Icasalé'ku makéré abar, sapaoka kamu maémané' a si Yesus kuma'pa ra'io. En icaindé'ku oréoka kamu katawérano i kikiiten é sétang wo ra'io maéman a si Yesus. Sa wutu-wutul mamuali taniitu, ra'- ica wana en torona sé tinawoi ami indior.