2 Korintus 7:15 - En Taar Weru a nunuwu' é Tontemboan

¹⁵ Intarépé' makaaweso eng kaupusanna ai camu, ampa'paan sia makata'néi tambisa kamu im baya le'tek maéma' sapa sé pinangilekna wo ka'i tambisa kamu tumerima sia ang karapi wuta in siri'.

2 Korintus 7:15 ပူးပေါင်းရင်းမြစ်များ

Yohanes 16:21

Sa si esa wéwéné tawio makéré toyaang, sia mawendu ampa'paan an témponao itouna si toyaang. Taan kekawusna i makéré toyaang, ra'io ka'i pena'né-na'néienna eng kawenduan itu. Sia arui keli ampa'paan si esa tou aitounao ang kayo'baan.

Kisah Para Rasul 16:29

Kelinga in itu, si capala im bui rumu'du' tou maali palaab. Wo sia tuméron angé an untep im bui, ang karapi i mege'ge-ge'ger sia kumundu an dior i Paulus wo si Silas.

1 Korintus 2:3

Wo an tutuwku maento' ang karapi miow, en owakku uli-ulit lembi wo maindé' keli akar en owakku gume'ger.

2 Korintus 2:9

Indior aipaticku en surat ai camu e muji sa kamu wutu-wutul mengakiit sé aituru'kuo.

2 Korintus 6:12

Kami ra'ica tumutuw in até ai camu, taan icamuo en tumutuw in até ai cami.

Efesus 6:5

Éi ata-ata, kiitenno mangé em perénta i tuang iow ang kayo'baan anio'. Selewiran angé si tuang iow ang karapi in siri' wo maindé' mangé ang karapi in lekep en até, kaputé kamu mengaselewir a si Kristus.

Filipi 1:8

Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Kolose 3:12

Ampa'paano in itu, kamu sé sinisiro i Amang Kasuruan wo sé line'nas-Nao wo ka'i sé icaupus-Na, ituru'o mangé eng kaupusan iow, mengaéma' mangé in loor, mengako'kos angé in até, tioo mengakasar a sé tou wo malese-lesen mengasaru ing kawenduan asi esa wo sé walina.

2 Tesalonika 3:14

Sa awéan tou ra'ica kiim kumiit sé aipatic ami an surat anio', kamu musti mareti-reti wo tioo makara-karapi wo si tou itu wosama' sia malawi'.

1 Yohanes 3:17

Sa awéan tou en lumébé mai eng kasiyaanna wo sérénna si poowna menonou ang kawenduan taan ra'ica kiimna in tumawang, tambisa sia makua sia mengaupus si Amang Kasuruan?