2 Korintus 7:14 - En Taar Weru a nunuwu' é Tontemboan

¹⁴ Kamu iparayo-rayokuo a si Titus an tutuwna ra'ipé' mangé ai camu. Makapulu'sama', kamu ra'ica imapalawi' yaku. Pakasa sé aicuao ami ai camu wutul. Taniitu ka'i sapa sé iparayo-rayo ami andumoro' icamu a si Titus mémang wutul.

2 Korintus 7:14 ပူးပေါင်းရင်းမြစ်များ

Yohanes 17:19

Wo isarakan-Ku eng katouan le'nas-Ku en sumelewir si Amang. Niéma'-Ku en itu torona ing kalooran éra, wosama' séra ka'i ro'na sumarakan in owak en sumelewir si Amang kumiit in sususuien wutul-Mu.

2 Korintus 10:8

Ra'ica malawi' aku sa talosoo matirayo ing kawasa si aiwééo i Amang Kasuruan ai cami. Ampa'paan eng kawasa itu aiwéé i Amang Kasuruan e méé ing kaketeran am paémanen iow, ra'ica in tumeri im paémanen iow.

2 Korintus 12:6

Sa woo aku masalé' rumayo in owakku in esa, yaku ra'ica tou bodok, ampa'paan em pakuaku sé wutul. Taan aku tumang in owak wo ra'ica tumirayo sé aipapaturu itu, ampa'paan ra'ica casalé'ku kamu en numilai yaku ilumébé wo in sapa sé sinéréo miow kuma'pa sé liningao miow a yaku.

2 Korintus 2:13

Taan aku ra'ica makaaté in sama', ampa'paan a mangé mbitu aku ra'ica meta'up wo si poowta Titus. Anaé, aku mapermisi a sé tou asi tampa itu wo mangé a Makedonia.

2 Korintus 7:13

Ampa'paan in ituo en até ami maibor. Wo ka'i kami arui keli ampa'paan makaséré ing kaaruian in até i Titus.

2 Korintus 7:4

Yaku uli-ulit mercaya icamu. Wo ka'i kamu uli-ulit iparayoku! Mandé ka'i kelian eng kawenduan pinendam ami mai, en atéku kinaiboran keli ampa'paan icamu. En atéku uli-ulit arui.

2 Korintus 7:6

Taan makapulu'sama' a si Amang Kasuruan si mengaibor sé tou sama' en até. Sia mengaarui in até ami an tutuw si Titus mai ai cami.

2 Korintus 8:24

Ampa'paan in itu, ituru'o mio' en upus iow ai séra an tutuw séra maangé ai camu. Wo in taniitu pakasa sé jamaat am bia'i luminga oka in upus iow wo kailekan éra oka kéitu kami tatap marayo-rayo icamu ai séra.

Filipi 1:26

Wo in taniitu, sa aku maai sumawel an uner iow, eng katirayoan iow a si Kristus Yesus mengawe-ngawes ampa'paan yaku.

2 Tesalonika 1:4

Ampa'paan in itu, kami arui masisil a sé jamaat in andumoro' icamu, ampa'paan kamu kasake' maéman a si Yesus wo kasake' talesen mandé ka'i kamu mendam in okoi wo ing kawenduan.