2 Korintus 7:11 - En Taar Weru a nunuwu' é Tontemboan

¹¹ Anaé, intarépé' séréno sapa sé imamuali ai camu ampa'paano ing kawenduan si casalé' i Amang Kasuruan itu. En itu, iméma' icamu lébé mauli-ulit kumiit ing kasalé'an i Amang Kasuruan; wo kamu rumaméji méé tuus sapaoka kamu ra'ica meséa'; kamu masuut wo maindé' mengaéma' ing kamesé-meséaan; kamu lébé lumelo wo makaincaya' méma' sapa sé loor wo ra'ica marapit ; wo kamu méé ukuman a sé tou meséa'. Anaé, kamu itumuru'o in tuus, kamu ra'ica meséa' am pakasa in itu.

2 Korintus 7:11 ပူးပေါင်းရင်းမြစ်များ

Markus 3:5

Téintengen-Na séra im baya sé an li'cir-Na ang karapi in e'bow. Sia matapé ampa'paan séra keté até. Wo icua-Na a si tou itu, “Yuluro mai eng kamamu.” Wo yulurna eng kamana wo asi témpo ituke' imasama'o eng kamana.

Yohanes 2:17

Wo sé murit i Yesus makata'néi sapaoka ang Kitap Le'nas awéan en aipatic in tana'i, “En upus-Ku asi Walé i Amang Kasuruan wangko' keli, tanuoka api maembung an até-Ku.”

Kisah Para Rasul 17:16

Ang karoro'an i Paulus ang kota Atena mengento-ngento' si Silas wo si Timotius, en até i Paulus wendu keli ampa'paan pakasérénna ang kota itu wuta im patong é opo-opo'.

Roma 11:20

En itu wutul. Séra aitiya' ampa'paan séra ra'ica maéman, wo kamu tinerima ampa'paan kamu maémano. Anaé, kamu tioo matirayo, aweso taré kamu maindé'o mangé a si Amang Kasuruan.

Roma 14:18

Anaé, si séi mengaselewir a si Kristus tanu siitu, sia maruio in até i Amang Kasuruan wo ka'i pasiri-siriin é tou walina.

Roma 3:5

An tutuw kita mengaéma' sé ra'ica wutul, em peri wutul i Amang Kasuruan kaséré-séréan. Wo sapa en icuata sa kita icae'bow-Na ampa'paan kita mengaéma' sé ra'ica wutul? Icuata réén Sia marapitke'? En itu pakawerotke' é tou.

1 Korintus 12:25

Wo in taniitu sé an owakta itu ra'ica wana eng katerian, aweso taré séra membém-béan rékén esa wo sé walina.

1 Korintus 5:13

Si Amang Kasuruan in esao e makim sé tou ra'ica maéman. Aipatic ang Kitap Le'nas tana'i, “Yuséro mangé sé tou mangaéma' in léwo' an uner iow!”

1 Korintus 5:2

Mandé ka'i an uner iow awéan tou maéma' ing kameséaan tanu siitu taan kamu tirayopé'. Si patus ai icamu, kamu musti masusa en até wo si tou maéma' ing kaléwo'an itu musti icesot iow an jamaat.

2 Korintus 13:7

Isombayang ami a si Amang Kasuruan wosama' kamu ra'io mengaéma' ing kaséaan. Isombayang ami tanu siitu, ampa'paan icasalé' ami kamu méma' sé loor. Ra'ica ampa'paan icasalé' ami en tumuru' sapaoka kami talesen im paujin tanu ruru'du'an i Kristus. Ra'ica sapa-sapa sa kami paweroten tanu tou si ra'ica talesen im paujin.

2 Korintus 2:6

Kinelian ai camu imukumo sia wo en ukuman itu ro'nao ai sia.

2 Korintus 6:4

Aituru'o ami sapaoka am baya-waya kami ata i Amang Kasuruan. Ampa'paan eng kawenduan, eng kasusaan wo ing kawenduan pinendam amio ang karapi in talesen,

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

2 Korintus 7:7

En até ami kinaiboran ampa'paan isumeréo si Titus, wo kami lébé maibor ka'i ampa'paan aicuana sapaoka en aténa maibor ampa'paan icamu. Aicuana ai cami sapaoka kamu lumeloo keli meta'up wo yaku, kamu ka'i maneselo asé pinengaéma' miow indior wo intarépé' rumaméji méla yaku. Pakasa en itu méma' yaku lébé arui.

2 Korintus 7:9

Taan aku intarépé' arui, ra'ica ampa'paan kamu mawendu. Yaku arui, ampa'paan eng kasusaan in até miow méma' icamu mape'dis. Ampa'paan eng kawenduan in até miow itu icumiit ing kasalé'an i Amang Kasuruan, anaé kami ra'ica rumugi icamu.

2 Korintus 9:2

Ampa'paan kailekankuo kamu masalé' mengatawang, wo kamu aitirayokuo a sé jamaat a Makedonia. Ipakuaku ai séra sapaoka kamu an sangkum in Akhaya tu'tulo méé in doit tatawang tumo'tolke' mai asi ta'un ilumangkoi. Wo eng kaincayaan iow imuwaso in até é kinakelian ai séra e mekiit méé roit tatawang.

Efesus 4:26

Sa kamu mae'bow, tioo mengaéma' ing kamesé-meséaan. Tioo eng kae'bowan itu yéma' miow akar i muntep si yéndo,

Efesus 5:11

Tioo mengakiit im pengaémaan é tou sé menonoué' ang kariréimbengan, ampa'paan em pengaémaan éra itu ra'ica wana torona. Aweso taré ituru'o miow a sé tou sapaoka em pengaémaan éra itu suméa'.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

1 Tesalonika 4:6

Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.

1 Timotius 5:20

Sa sia wutu-wutul méma' ing kamesé-meséaan, sina'uenmu mangé sia an dior é tou maéman. Wo in taniitu sé tou maéman walina maindé' méma' ing kamesé-meséaan.

2 Timotius 2:15

Émaano mangé sumama-sama' en tawoienmu wosama' si Amang Kasuruan masalé' ico. Ang karapi i méma' in taniitu, ko ra'ica malawi' an dior i Casuruan, wo ro'nao icuamu a sé tou ang karapi i makakii-kiit en sususuien wutul itu.

Titus 3:8

Pakasa e nunuwu' sé aicuaku anio' wutul wo loor wo awéan torona a sé pakasa in tou. Icasalé'ku icuamu waya en sususuien itu a sé tou maéman a si Amang Kasuruan wosama' séra uli-ulit rumaméji tumawoi loor.

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

1 Petrus 1:17

An tutuw iow mengasombayang a si Amang Kasuruan, Sia patuulen iow “Amang”. Siao e maakim sé tou kumiit im pinengaéma'na, ra'ica maséré ing gio. Ampa'paano in itu, siriino mangé Sia ang kauré miow menonou asi kayo'baan anio' tanu tou sé asalo imanangkéi.

1 Petrus 2:2

Aweso taré kamu mamualio tanuoka si toyaang si makatoué' wo meré'o-ré'om en sumusu asi inangna, kamu ka'i musti meré'o-ré'- om melep si wutu-wutul susu si nunuwu' i Amang Kasuruan. Ang karapi kamu imelep in itu em paémanen iow a si Amang Kasuruan makawangkoo akar kamu malowir,

Yudas 1:23

Tawangeno sé tou sé icasélé'kowo em paémanen wosama' séra ro'na malowir, en itu meputéo kamu icumesot séra asi api naraka owo. Wo ituru'o ka'i mangé eng kaupusan iow a sé tou walina taan mareti-reti mangé wosama' kamu ra'ica katawéran mengaéma' ing kamesé-meséaan kaputé wo iséra. Wo maricao mangé asi karai éra si makotoro, en itu meputé icamu masuut im peri éra sé karican oka mai.

Wahyu 3:19

Sé tou sé icaupus-Ku, sérao sé romaan-Ku wo samboken-Ku. Ampa'paan in itu maincaya'o mangé sumawel wo mape'diso.