2 Korintus 7:10 - En Taar Weru a nunuwu' é Tontemboan

¹⁰ Ampa'paan eng kawenduan in até si casalé' i Amang Kasuruan méé wuéna ing kape'disan e maali mai ing kalowiran. Taan eng kawenduan asi cayo'baan anio' sé ra'ica wana eng kape'disan, makawali sé tou am papaté.

2 Korintus 7:10 ပူးပေါင်းရင်းမြစ်များ

Matius 26:75

Wo kata'néiano i Petrus en aicua i Yesus ai sia, “Ra'ipé' kumukuk si co'ko', ko makateluo sumangkal Yaku.” Wo sia kumesot wo maamé' akar i masesendu'an oka.

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Lukas 18:13

Taan si mengasaap im pajak itu tumulung angé an tayang wo maindé'ke' kumanat angé an langit. Taan sia menepé-nepé'ke' taré in da'dakna wo kumua: ‘O Amang Kasuruan, icaupusai aku anio' si tou ang kamesé-meséaan.’

Kisah Para Rasul 11:18

Kelinga in itu, sé tou Yahudi sé maémano a si Yesus ra'io ka'i tumantang si Petrus. Wo séra rumayo si Amang Kasuruan wo kumua, “Anaé, sé tou ra'ica Yahudi ka'i tinambérano mai i Amang Kasuruan kamang e mape'dis wo makéré ing katouan akar ing kauré-uré.”

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

2 Korintus 12:21

Em paindé-indé'ku an tutuwku maai sa, yaku iwawa' i Amang Kasuruan an dior iow wo aku mawendu ampa'paan kelian sé an uner iow indior sé mengaéma' ing kamesé-meséaan wo ra'ipé' mape'dis mengéma-ngéma' sé karican, mengabersina, wo mengaéma' ing kasalé'an in owak sé ra'ica wutul.

2 Korintus 7:9

Taan aku intarépé' arui, ra'ica ampa'paan kamu mawendu. Yaku arui, ampa'paan eng kasusaan in até miow méma' icamu mape'dis. Ampa'paan eng kawenduan in até miow itu icumiit ing kasalé'an i Amang Kasuruan, anaé kami ra'ica rumugi icamu.

Ibrani 12:17

Wo kakailekano iow, si Esau masalé' tumerima sumawel ing kamang asi amangna tanu toyaang luluna, taan sia aicélongke'. Ampa'paan sia ra'io wana témpo ka'i e mutul ing kaséaanna itu, mandé pangérénna ang karapi imaamé'.