2 Korintus 6:9 - En Taar Weru a nunuwu' é Tontemboan

⁹ En ulitna kami anio' katuusan é keli tou taan sé walina mawerot ra'ica katuusan éra. Kami misi oka imaté, taan kami menonoué'. Mandé kami niokoi, taan kami ra'ica pinaté.

2 Korintus 6:9 ပူးပေါင်းရင်းမြစ်များ

Kisah Para Rasul 17:18

Ang kota Atena awéan golongan Epikuros wo golongan Stoa. Sé tou pinter asé reru itu meindo-indoan roma' wo si Paulus, awéan e makua, “Sapa réén eng kailekan i tou anio'? Eng kailekanna waya im pira taan keli nuwu'.” Wo sé walina ka'i makua, “Si tou anio' makua wona' andumoro' é opo-opo' é bangsa walina.” Icua éra in taniitu ampa'paan si Paulus mengakua andumoro' i Yesus wo andumoro' Sia si tinou sumawel am papaté.

Kisah Para Rasul 19:26

Intarépé' sinéréo wo liningao miow in esa, ampa'paano taré i Paulus akar sé tou ra'io maapo' a si opo'ta Artemis. Pemaso-masoonna in léwo' sé tou wo ipakuana, sé patong paémaanta ra'ica wutul. En itu aicuana ra'ica asaloke' an Efesus, taan misio am pakasa in Asia.

Kisah Para Rasul 25:19

Séra asaloke' meindo-indoan roma' wo isia andumoro' in agama éra wo andumoro' si esa tou makangaran Yesus. Si Tou itu kiné imatéo, taan icua i Paulus si Tou itu itumou sumawel.

Kisah Para Rasul 25:26

Taan em perkarana anio' ra'ipé' talos kailekanku, anaé ra'ipé' wana e ro'na ipaticku a si Kaisar andumoro' ing kaléwo-léwo'an i tou anio'. Ampa'paan ituo towanku mai sia am bia'i en isaru ai camu im baya am bia'i. Paarapenku, kamu waya sé am bia'i, wo ka'i si colano Agripa ro'na mewali-wali wo yaku e meriksa im perkarana. Wo in taniitu awéan em paticku a si Kaisar.

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

Roma 8:36

Tanu sé aipatic ang Kitap Le'nas in tana'i: “Ampa'paano Ico, susur in endo kami mengasaru im papaté, kami pengaémaan tanu sé domba im pokoleno.”

1 Korintus 11:32

Taan sa kita ukumen i Amang Kasuruan, em peangé-angénna en sumusui ai cita e méma' im butul, wosama' kita ra'ica makéré in ukuman akar ing kauré-uré an tutuw Sia mukum sé tou ang kayo'baan sé ra'ica makatuus Sia.

1 Korintus 15:31

Poo-poowku, susur in éndo aku mensaruan wo im papaté, ampa'paan aku marayo ing katouan iow ampa'paan kamu maémano a si Kristus Yesus Apo'ta.

1 Korintus 4:9

Iciit yaku, kami sé ruru'du'an i Yesus, niéma'o i Amang Kasuruan mamuali tou ra'ica pengasiriin, kami tanuoka tou sé pinusé'o in ukumen patén an dior é tou keli wo pakasérén é tou ang kayo'baan wo sé malaékat.

2 Korintus 11:6

Mandé ka'i aku ra'ica pinter maroma', taan andumoro' ing kakailekan yaku ra'ica tou bodok. Aituru'o ami en itu ai camu am pakasa in témpo wo am baya-waya.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

2 Korintus 5:11

Kailekan ami sapa eng kaangéan i maindé' a si Amang Kasuruan, ampa'paan in iituo raméjin ami méé ing kapercayaan a sé tou andumoro' in owak ami. Kailekan wutul i Amang Kasuruan sé an untep in até ami. Wo paarapenku kakailekan iow en até ami.