2 Korintus 6:8 - En Taar Weru a nunuwu' é Tontemboan

⁸ Kami pasiriin, taan ka'i iparoro-roros; kami iparayo, taan ka'i ipawa'ba'-wa'ba'. Mandé ka'i kami mengasusui im butul, taan putudun mengauwak.

2 Korintus 6:8 ပူးပေါင်းရင်းမြစ်များ

Matius 10:25

Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 22:16

Iru'du' éra sé murit éra wo piraan tou sé makiit si colano Herodes mangé a si Yesus e mamuéi ai Sia, “Guru, kailekan ami si Guru ra'ica matowo, wo masusui sé tou ang karapi i makakii-kiit andumoro' ing kasalé'an i Amang Kasuruan. Wo si Guru ra'ica maindé' a si séike' mangé ampa'paan si Guru ra'- ica masisir in tou.

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Markus 12:14

Sé tou itu mai wo kumua ai Sia: “Guru, kailekan ami si Guru ra'ica mengatowo. Si Guru ra'ica maindé' a si séike' mangé, ampa'paan si Guru ra'ica mengasisir in tou em pasiriin, taan taré masusui a sé tou ang karapi i makakii-kiit andumoro' ing kasalé'an i Amang Kasuruan. Intarépé' wuiéien ami sa kumiit in atoran in agamata, ro'na réén kami mér im pajak a si Kaisar kuma'pa ra'ica? Musti réén kami mér im pajak kuma'pa ra'ica?”

Yohanes 7:12

Wo keli tou mengkeng-kewitan i esa wo sé walina andumoro' Sia. Awéan sé makua, “Sia itu tou sama'.” Awéan ka'i sé makua, “Ra'ica, Sia si mengasélé'kow sé tou keli.”

Kisah Para Rasul 10:22

Wo isowat éra, “Kami airu'du' mai i Kornelius si perwira é Romawi. Sia tou sama' wo maapo' a si Amang Kasuruan wo pasiri-siriin é tou Yahudi. Asi makasa, sia pinapaturu'an i malaékat i Amang Kasuruan wo rumu'du' e menot ico mangé am baléna wosama' sia ro'na luminga sapa en icua i tuang.”

Kisah Para Rasul 16:39

Wo séra mai mekiampung a si Paulus wo si Silas. Wo iwali éra sé rua ruru'du'- an itu icesot am bui, wosama' séra tumela'u ing kota itu.

Kisah Para Rasul 22:12

An Damsyik, awéan si esa tou, makangaran Ananias. Sia le'tek makiit in ukum Torat. Wo pakasa sé tou Yahudi am bitu, makailek sa sia tou sama'.

Kisah Para Rasul 24:5

Tana'i é tuang, si tou anio' tatap mengaéma' in léwo' wo am bisa-wisa sia mengaéma' ing kalicokoan a sé tou Yahudi am pakasa ing kayo'baan. Sia mamuali kikiiten ing golongan Nasrani.

Kisah Para Rasul 28:22

Taan kami in esa masalé' luminga ai co andumoro' in sususuien é golongan Nasrani itu. Kailekan ami am bisa-wisa awéan sé tou makélong in sususuien itu.”

Kisah Para Rasul 4:21

Kelinga in itu, sé tou an sidang itu makarepetke' taré mangindé' si Petrus wo si Yohanes. Taan iwekar éra sé rua ruru'du'an itu ampa'paan ra'ica kailekan éra sapa en ukuman iwéé ai séra wo ka'i maindé' a sé tou keli am bitu sé marayo-rayo si Amang Kasuruan ampa'paan si tou késo' si masama'o itu.

Kisah Para Rasul 5:13

Keli sé tou masiri' ai séra, taan sé tou walina ra'ica wana em brani meesa wo iséra.

Kisah Para Rasul 6:3

Anaé, tana'io é poo-poow, aweso taré sisiren iow pitu tou an uner iow. Séra itu musti tou sama', kinawasa i Roh Le'nas wo awéan kapinteran asi Casuruan owo. Sé tou anioo em béan ami oka in tawoien en tumu'tul ing kakanen.

Roma 3:8

Ampa'paan in ituo awéan tou makua, “Mayoo émaanta sé léwo', wosama' eng kaloo-looran kaséré-séréan!” Mémang wutul awéan sé tou mengawuruk i ngaranta sapaoka icitao en icumua in itu. Sé tou tanu siitu patus in ukumen i Amang Kasuruan.

2 Korintus 1:18

Sa aku jumanji ang karapi i ngaran i Amang Kasuruan si le'tek, en janjiku ai camu itu ra'ica maru-rua wasa.

2 Korintus 11:21

Mandé kai malawi', musti icuaku sapaoka kami maindé'ke' mengaéma' tanu sé pengaémaan éra. Taan sa sé tou walina ra'ica maindé' marayo in owak éra, mandé ka'i kalingaan tanuoka im pakaroma' é tou bodok, yaku ka'i ra'ica maindé' rumayo in owak.

2 Korintus 12:16

Kailekan iow sapaoka aku ra'ica kawisa sumusa icamu an tutuwku mewali-wali wo icamu. Taan awéan tou an uner iow makua sapaoka aku pinter mengasali'si' i nunuwu' wo mengauwak e mindo ing kauntungan ai camu.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

1 Tesalonika 2:3

An tutuw ami makua in Abar Kaaruien itu, kami ra'ica masusui in sususuien sé mengasélé'kow. Kami ra'ica mengawasa-wasa in léwo' wo ra'ica kiim mengauwak sé tou.

1 Timotius 3:7

Sé tou mengatilik an jamaat, e ngaran wo em perina musti loor a sé tou ra'ipé' maéman, wosama' sia ra'ica iséro' é tou wo ra'ica katawéran in ta'kong i kikiiten é sétang.

1 Timotius 4:10

Siituo imangémai kita rumaméji mauli-ulit re'dem mengaselewir a si Amang Kasuruan. Kita méma' in taniitu ampa'paan kita asaloke' mamangén a si Amang Kasuruan si menonou. Sia itu si méé mai ing kalowiran a sé pakasa in tou, lébé-lébépé' ka'i a sé tou maéman.

Ibrani 13:13

Ampa'paano in itu, mayoo kita mangé meta'up wo Sia ang kesot in ténda, wo mendam im paséro' é tou kaputé si pinendam-Na.

1 Petrus 4:14

Pakakamangeno kamu, sa kamu iparoros é tou ampa'paan makiit si Kristus, ampa'paano e Roh i rarayo wo in sisiri'-Na ai camuo. Siituo si Roh i Amang Kasuruan.

3 Yohanes 1:12

Wo pakasa in tou rumayo si Demetrius. Wo sia patus irayo ampa'paan eng katouanna makiit in sususuien wutul. Iparayo ami ka'i sia wo kailekan iow sapaoka e rarayoan ami andumoro' sia itu wutul.

Wahyu 3:9

Séréno! Pira-piraan tou asé jamaat i kikiiten é sétang, sé matuul in owak éra tou Yahudi, taan en ulitna ra'ica taniitu, séra itu kotowo. Émaan-Ku oka séra itu mai wo kumundu an dior ing kécéi miow, wo kakailekan oka éra sapaoka kamu icaupus-Ku.