2 Korintus 6:6 - En Taar Weru a nunuwu' é Tontemboan

⁶ Mandé ka'i in taniitu, kami menonou ang karapi in até weresi, makailek sé andumoro' in Taar i Amang Kasuruan, talesen, sama' en até. Em paturu' ami sapaoka kami ata i Amang Kasuruan. Wo kami ka'i mamangén a si tatawang i Roh Le'nas wo mengaupus sé tou ang karapi in lekep en até,

2 Korintus 6:6 ပူးပေါင်းရင်းမြစ်များ

Roma 12:9

Mengaupus angé sé kakélé tou ang karapi in lekep en até. Tumayango mangé ang kaléwo-léwo'an, wo mengéma-ngéma'o mangé sé loor.

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

1 Korintus 12:8

A si esa tou winéanai kamang aitambér i Roh e manuwu' mapaké ing kapinteran asi Amang Kasuruan owo. Wo a si Roh meputé ka'i, sé tou walina winéanai kamang aitambér i Roh e manuwu' mapaké ing keli eng kakailekan.

1 Korintus 13:4

Si tou mengaupus sé tou walina, sia itu talesen, loor en até, ra'ica kokanat, ra'ica marayo in owak, wo ra'ica tirayo.

1 Korintus 2:16

Ang Kitap Le'nas aipatic in tana'i, “Si séi réén e makailek im pakawerot i Casuruan? Wo si séi réén e ro'na sumina'u Sia?” Taan kita sé maémano, em pakawerotta meputé wo im pakawerot i Kristus.

1 Korintus 2:4

An tutuw aku maroma' wo makua in Abar Kaaruien ai camu, yaku ra'ica mapaké nunuwu' ing kapinteran in tou im percayan iow, taan aku mapercaya a si kawasa i Roh Le'nas.

2 Korintus 1:23

Si Amang Kasuruan en sairiku ampa'paan kailekan-Na en atéku. Yaku ra'ica mamuali maai ang Korintus, ampa'paan ra'ica kiimku mendu in até miow.

2 Korintus 11:11

Kéitu réén icuaku in taniitu? Ra'ica réén icaupusku kamu? Kailekan i Amang Kasuruan kamu icaupusku.

2 Korintus 11:4

Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.

2 Korintus 11:6

Mandé ka'i aku ra'ica pinter maroma', taan andumoro' ing kakailekan yaku ra'ica tou bodok. Aituru'o ami en itu ai camu am pakasa in témpo wo am baya-waya.

2 Korintus 12:15

Anaé, ang karapi in arui en até icasalé'ku maké im pakasa sé a yaku en isumelewir icamu, lébé-lébé eng katouanku in esa ka'i icasalé'ku iwéé ai camu. Kamu icaupusku keli, kéitu réén makaina'ke' en upus iow a yaku?

2 Korintus 13:10

Ampa'paan in ituo aipaticku en surat anio' an tutuw aku ra'ipé' an uner iow. Wo in taniitu sa aku maai sa, ra'io sangali repetanku en tumindak icamu ang karapi imaké ing kawasa aiwéé i Amang Kasuruan a yaku. Eng kawasa itu aiwéé a yaku e méé ing kaincayaan am paémanen iow, ra'ica in tumeri.

2 Korintus 2:10

Sa ampungan iow si tou iméma'o ing kaséaan ai camu, ampunganku ka'i si tou itu. Ampa'paan sapa sé niampungankuo, sa wutul awéan em perlu ampungan, en itu ampunganku an dior i Kristus torona ing kalooran iow.

2 Korintus 2:4

An tutuwku imatic in surat indior ai camu, yaku uli-ulit ra'ica makaaté in sama' wo mawendu wo makakeli-keli mengamé-ngamé'. An tutuw itu ra'ica kiimku méma' icamu mawendu ampa'paan in surat itu, taan en icasalé'ku wosama' kailekan iow, yaku uli-ulit mengaupus icamu.

2 Korintus 3:3

Séra in esa oka en suméré sapaoka icamu tanu surat i Kristus si a itoké paalin ami. Wo en surat itu ra'ica aipatic in tinta, taan ang karapi i Roh i Amang Kasuruan si menonou; ra'ica ka'i am bawo im batu papatican taan an untep in até é tou.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

2 Korintus 7:2

Pekiupusenku, wukaano en até miow torona ami. Kami ra'ica wana kaséaan a si séike' mangé, wo ra'ipé' sumangkum ako awéan tou en rinugi ami. Wo kami ra'ica maéré-éré ing kalébéan a si séike' mangé.

Galatia 3:2

Sowateno mai em buwuéienku anio': Ampa'paan in sapa réén kamu tumerima i Roh Le'nas? Ampa'paan mengaéma' in ukum Torat kuma'pa luminga in Abar Kaaruien wo maéman a si Kristus?

Galatia 3:5

Si Amang Kasuruan mééo mai i Roh Le'nas-Na ai camu ang karapi i mawuta-wuta, wo iméma'o ing kakaya'kaan an uner iow. Niéma' réén i Amang Kasuruan en itu ampa'paan kamu mengaéma' in ukum Torat? Tantu ra'ica. Taan ampa'paan kamu iluminga in Abar Kaaruien wo maéman a si Kristus.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Efesus 3:4

Sa binacao miow si aipaticku itu, ro'nao kaangéan iow sapa sé kinailekankuo andumoro' im pawasa-wasan i Amang Kasuruan andumoro' i Kristus.

Efesus 4:2

Anaé, menonouo mangé ang karapi ing ko'kos en até, sama' en até a sé pakasa é tou wo talesen. Ituru'o mio' en upus iow ang karapi i mentan-tawangan si esa wo sé walina.

Efesus 4:32

Taan aweso taré kamu loor en até, meupu-upusan, membém-béan angé ing kaampungan, kaputé i Amang Kasuruan mengawéé ing kaampungan ai camu sé maémano a si Kristus.

Kolose 1:27

Wo Sia masalé' kumua a sé tou-Na sapaoka sé icaenepé' itu uli-ulit loor wo wangko' asé pakasa in tou sé ra'ica Yahudi. Sé ipakaenep itu tana'i, si Kristus an atéo miow, eng kaangéanna kamu awéan paarapen makéré im bagéan asi rarayo wo in sisiri' asi Amang Kasuruan owo.

Kolose 2:3

Wo si Kristus ituo e ro'na muka' im pawero-werotenta akar kita ro'na makailek pakasa ing kapinteran asi Amang Kasuruan owo wo makailek sé indior ipaene-enep-Napé'.

Kolose 3:12

Ampa'paano in itu, kamu sé sinisiro i Amang Kasuruan wo sé line'nas-Nao wo ka'i sé icaupus-Na, ituru'o mangé eng kaupusan iow, mengaéma' mangé in loor, mengako'kos angé in até, tioo mengakasar a sé tou wo malese-lesen mengasaru ing kawenduan asi esa wo sé walina.

1 Tesalonika 2:10

Icamuo in esa wo ka'i si Amang Kasuruan si mamuali sairi, sapaoka kami menonou ang karapi in até weresi, ra'ica marapit wo ra'ica iméma' ing kameséaan sapa-sapa ai camu sé maéman.

1 Timotius 4:12

Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.

1 Timotius 5:2

Taniitu ka'i wo sé wéwéné sé matu'a mai ai co. Musti sina'uenmu mangé in sama' séra tanu ko manuwu' a si inangmu in esa. Wo sé mangala'un, sina'uenmu mangé ka'i séra ang karapi ing kale'nasan in atému tanu ko manuwu' a si tuarimu in esa.

2 Timotius 3:10

Taan ko é Timotius, makaileko sé aisusuiku, em periku, em pendirianku, tambisa aku maéman a si Yesus, eng katalesenanku, en upusku a sé tou wo eng kale'tekanku mengaéma' in tawoienku.

2 Timotius 4:2

icuamuo mangé en Taar i Casuruan a sé tou, loor kuma'pa ra'ica loor en orasna, ko musti tu'tul e mengua-ngua in Taar itu. Sina'ueno mangé sé tou mengaéma' ing kameséaan, romaan angé séra ang karapi wuta ing katalesenan an tutuw ko mengasusui iséra.

Titus 2:7

Wo ko é Titus, em perimu musti mengaéma' in loor wosama' ko ro'na mamuali paandéan é tou. Sa ko sumusui, mengasusui angé ang karapi i makakii-kiit wo rondor en até.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

1 Petrus 1:12

Aicuao i Amang Kasuruan a sé nabi sapaoka sé ipakua éra itu ra'ica torona in owak éra in esa, taan torona miow intarépé'. Sé pakua éra itu, siituo en Abar Kaaruien andumoro' i Yesus Kristus. Wo intarépé' awéan sé tou kinawasa i Roh Le'nas an sorga owo, séra ituo sé tou makua in Abar Kaaruien itu ai camu. Sé malaékat ka'i masalé' makailek andumoro' ing kalowiran sé aicuao ai camu.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Yohanes 3:18

Toya-toyaangku, tioo kita ma- upus asaloke' am ba'ba' kuma'pa asaloke' a nunuwu', taan mayoo kita meupu-upusan ang karapi im pengaémaan wo lekep en até.