2 Korintus 6:16 - En Taar Weru a nunuwu' é Tontemboan

¹⁶ Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

2 Korintus 6:16 ပူးပေါင်းရင်းမြစ်များ

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Matius 6:24

Ra'ica wana esa tou ka'i e ro'na tumawoi a sé rua tuang. Ampa'paan sa tanu siitu, icasuutna oka si esa tuang wo icaupusna si tuang walina, kuma'pa sia le'tek oka a si tuang esa wo ra'ica mapandung si tuang walina. Taniituo ka'i kamu, tantu ra'ica toro sumelewir a si Amang Kasuruan sa memero-merotke' ing kasiyaan ing kayo'baan.”

Lukas 5:36

Wo icua ka'i i Yesus esa andéan a sé tou Farisi, “Ra'ica wana esa tou eng kumésé' sangakésé' kaéng ang karai weru wo itampalna ang karai matu'a. Ampa'paan eng karai weru itu tantu maléwó' wo eng kaéng sangakésé' itu ka'i ra'ica isumoma sa itampal asi karai matu'a.

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

Yohanes 6:56

Si séike' eng kuman in owak-Ku wo melep in enda'-Ku, si tou itu menonou ang karapi-Ku, wo Aku mewali-wali wo isia.

Roma 8:11

Sa e Roh i Amang Kasuruan si tumou sumawel si Yesus an uner é tou maté maento' an untep in owak iow, eng kaangéanna en owak iow si ro'na maté itu, touen oka ka'i sumawel i Roh i Amang Kasuruan si tumouo sumawel si Yesus Kristus an uner é tou maté.

Roma 8:9

Taan, kamu ra'io menonou mengakiit ing kasalé'an in owak, taan mengakiit ing kasalé'an i Roh i Amang Kasuruan, ampa'paan e Roh i Amang Kasuruan uli-ulit mento' an owak iow. Sa e Roh i Kristus ra'ica menonou an owak i esa tou, sia ra'ica anu i Kristus.

Roma 9:26

Wo ka'i aipatic in tana'i, “An tampa kinuanan a sé tou ‘kamu ra'ica tou-Ku’, am bitu séra tuulen oka ‘toya-toyaang i Amang Kasuruan si menonou.’ ”

1 Korintus 10:21

Sa kamu imelepo in anggor asi paelepan am perjamuan i Casuruan, kamu ra'io toro ka'i melep asi paelepan in anggor torona é roh léwo'. Sa kamu icumano a méja im perjamuan i Casuruan, kamu ra'io toro ka'i kuman asi méja pengaapo'an torona é roh léwo'.

1 Korintus 6:19

Musti kailekan iow sapaoka en owak iow itu paento'an i Roh Le'nas. E Roh Le'nas itu aiwéé i Amang Kasuruan mento' ai camu. En owak iow ra'ica anu miow in esa taan anu i Amang Kasuruan.

Efesus 2:20

Icamu ayandé tanuoka im bangunan winangun am bawo im batu si aitulir é ruru'du'an wo sé nabi. Wo si Kristus Yesus ituo em batu kumataré-taré si tumombol pakasa im bangunan.

Efesus 2:22

Ampa'paan i Kristus, kamu sé tou ra'ica Yahudi ka'i winangun mewali-wali wo sé tou Yahudi mamuali paento'an i Amang Kasuruan. Am bitu Sia mento' tanu Roh.

Efesus 3:17

akar si Kristus mento' an até miow ampa'paan kamu maéman ai Sia wo eng katouan iow maa'mut wo tumuur a si upus-Na.

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

2 Timotius 1:14

Ico tinokéan in tawoien anio' puté wo si Casuruan tumoké in esa kasiyaan sosor ulit em bééna. Anaé, téiranmu sumama-sama' en itu. Wo e Roh Le'nas an atéta tumawang oka en tuméir ing kasiyaan itu.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Ibrani 8:10

Taan intarépé', si anioo em perjanjian si émaan-Ku oka ang karapi é tou Israel, asé endo mengangai sa. Iweta'-Ku oka en ukum-ukum-Ku a ngaas éra, wo ipatic-Ku oka en itu an untep in até éra. Yaku mamuali oka Amang Kasuruan éra, wo séra mamuali oka tou-Ku.

Yakobus 4:5

Tioo kamu mawerot sapaoka ra'ica wana alasan si aipatic ang Kitap Le'nas tana'i, “E Roh si aiwéé i Amang Kasuruan ai cita, e Roh itu manganat sa kita ra'- ica le'tek a si Casuruan.”

1 Petrus 2:5

Kamu ka'i tanu im batu menonou itu. Ampa'paan in ituo iwééo mio' en owak iow pakén i Amang Kasuruan e mamuali paento'an-Na. Wo in taniitu kamu imamualio imam-imam le'nas e rumagés ing katouan iow a si Amang Kasuruan. Wo e raragés aiwéé miow itu tinerima-Na ampa'paano sé niéma' i Yesus Kristus ai cita im baya.

1 Yohanes 4:12

Ra'ica wana tou mandé esake' en sumangkumo isumeré si Amang Kasuruan. Taan sa kita meupu-upusan, si Amang Kasuruan meesa wo icita wo en upus-Na lekep ang katouanta.

1 Yohanes 4:15

Si séi e mangaku sa si Yesus itu Toyaang i Amang Kasuruan, si Amang Kasuruan kasake' meesa wo isia wo sia ka'i esa wo si Amang Kasuruan.

Wahyu 2:1

Wo icua i Toyaang i Tou a yaku, “Patico mio' a si malaékat si mengatéir in jamaat an Efesus: Si anioo en taar si ai Sia owo si makatimboi sé pitu sumesendot ang kama kakan-Na wo si mawaya' am paawuun é pitu totombol patuliran in sosoloan si niéma a mas owo.

Wahyu 21:3

Wo kalingaanku en suara taangko' keli am palukutan pasiri-siriin itu makua, “Séréno! Intarépé' em paento'an i Amang Kasuruan an unero é tou. Sia mai oka mento' mewali-wali wo iséra, wo séra mamuali oka tou-Na. Sia in esa mewali-wali oka wo iséra, wo mamuali Amang Kasuruan éra.

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.