2 Korintus 6:14 - En Taar Weru a nunuwu' é Tontemboan

¹⁴ Tioo mengaesa wo sé tou sé ra'ica maéman a si Kristus; en itu ra'ica patus. Ampa'paan en sususuien wutul ra'ica kawisa meesa wo ing kaléwo'an! Wo ra'ipé' wana mako en sendot meesa wo i riréimbeng.

2 Korintus 6:14 ပူးပေါင်းရင်းမြစ်များ

Yohanes 7:7

Sé tou ang kayo'baan anio' ra'ica masuut icamu, taan Yaku icasuut éra ampa'paan pengakua-Ku em paémaan éra léwo'.

Kisah Para Rasul 4:23

An tutuw i Petrus wo si Yohanes aiwekaro, wo séra maréng angé a sé kara-karapi éra. Wo isisil éra waya sé aicua é kikiiten é imam wo sé matu'a é tou Yahudi ai séra.

1 Korintus 10:21

Sa kamu imelepo in anggor asi paelepan am perjamuan i Casuruan, kamu ra'io toro ka'i melep asi paelepan in anggor torona é roh léwo'. Sa kamu icumano a méja im perjamuan i Casuruan, kamu ra'io toro ka'i kuman asi méja pengaapo'an torona é roh léwo'.

1 Korintus 15:33

Tioo iwaya sé tou walina muwak icamu. ‘Si tou, mandé makaperi in loor, ro'na maléwo' sa makara-karapi wo sé tou léwo'.’

1 Korintus 5:9

Asi suratku indior, aipatickuo ai camu wosama' kamu tioo mengakarapi wo sé tou cabul.

1 Korintus 6:6

Taan kamu é tou maéman, an tutuw awéan kaperéndéran ai camu, ra'ica niurus iow in esa eng kaperéndéran itu taan taré aipapaurus iow am pengadilan a si akim si ra'ica esa paémanen.

1 Korintus 7:39

Si wéwéné kinawéngo ra'ica toro kawéngen é tuama walina, ang kauré si penanaanna menonoué'. Sa si penanaanna imatéo, sia ro'nao kumawéng ang karapi i tuama si icasalé'na si esa paémanen a si Kristus.

Filipi 2:15

wosama' kamu menonou ang karapi in até weresi wo ra'ica wana kaséaan. Wo in taniitu, ituru' miow sapaoka kamu toya-toyaang i Amang Kasuruan sé ra'ica wana kaséaan an uner é tou léwo' wo a sé tou icasélé'kow. Anaé icamu oka e mamuali sendot an unér éra kaputé sé sumesendot mengatélang an untep ing kayo'baan.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.