2 Korintus 6:11 - En Taar Weru a nunuwu' é Tontemboan

¹¹ Ei tou Korintus! Aicua amio im butu-wutul ai camu wo ra'ica wana em paene-enep. Pakasa sé an untep in até ami aicua amio.

2 Korintus 6:11 ပူးပေါင်းရင်းမြစ်များ

Kisah Para Rasul 18:1

Kekawus in itu, si Paulus tumela'u in Atena wo mangé ang Korintus.

Kisah Para Rasul 18:8

Awéan si capala im balé paapo'an é agama Yahudi ang kota Korintus, makangaran Krispus. Sia wo pakasa sé tou am baléna maémano a si Apo' Yesus. Sé tou walina ang kota Korintus sé lumingao in sususuien i Paulus, imaémano ka'i a si Apo' Yesus wo pakasa séra méé in owak em baptisen.

2 Korintus 12:15

Anaé, ang karapi in arui en até icasalé'ku maké im pakasa sé a yaku en isumelewir icamu, lébé-lébé eng katouanku in esa ka'i icasalé'ku iwéé ai camu. Kamu icaupusku keli, kéitu réén makaina'ke' en upus iow a yaku?

2 Korintus 2:4

An tutuwku imatic in surat indior ai camu, yaku uli-ulit ra'ica makaaté in sama' wo mawendu wo makakeli-keli mengamé-ngamé'. An tutuw itu ra'ica kiimku méma' icamu mawendu ampa'paan in surat itu, taan en icasalé'ku wosama' kailekan iow, yaku uli-ulit mengaupus icamu.

Galatia 3:1

Éi tou Galatia sé bodok! Si séi réén e muwak icamu? Ra'ica réén aisisilkuo ai camu indior ang karapi i makakii-kiit andumoro' i Yesus Kristus si aisalipo?

Galatia 4:12

Éi poo-poow, yaku tou Yahudi taan aku mamualio kaputé miow tou ra'ica Yahudi, ampa'paan aku ra'io pakawa'kesen in ukum Torat. Anaé, pekiupusenku ai camu wosama' kiitan iow em peri ing katouanku si ra'io ka'i pakawa'kesen in ukum Torat. Wo indior kamu ra'ica maéma' ing kaséaan sapa-sapa a yaku.

Efesus 6:19

Wo ipengasombayang angé ka'i aku, wosama' an tutuwku i rumoma' wéan i Amang Kasuruan aku nunuwu' isumoma, akar ra'io wana eng kaindé'anku ing kumua in Abar Kaaruien en andumoro' i Yesus Kristus. En Abar Kaaruien itu indior ra'ipé' aicua a sé pakasa en tou, taan intarépé' aicuao ai séra.

Efesus 6:8

Ampa'paan kailekano miow sapaoka sé tou mengaéma' ing kalooran, mandé ka'i sia ata kuma'pa tou ra'ica pakakawasan é tou walina, tantu makéré oka in susuli' asi Casuruan.

Filipi 1:8

Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

Filipi 4:15

Poo-poowku tou Filipi, an tutuwku in tumela'u icamu a Makedonia wo aku tumo'tolo kumua in Abar Kaaruien andumoro' i Yesus Kristus an tampa walina, ra'ica wana jamaat mandé in esake' e méé in tatawang a yaku, wayake' icamu.

Wahyu 22:12

Icua i Yesus ka'i, “En ulitna, ra'io uré ka'i Aku maai e maali in laasa-Ku en sumuli' a si esa wo si esa tou kiit im pinengaéma' éra.