2 Korintus 6:10 - En Taar Weru a nunuwu' é Tontemboan

¹⁰ Mandé en até ami wendu, taan kami mengaru-ngarui. Kami kaséréan lengéi, taan keliano sé tou niéma' ami imasiya'. Kami anio' kaséréan ra'ica makaanu in sapa-sapa, taan en ulitna kami makaanuo im baya-waya.

2 Korintus 6:10 ပူးပေါင်းရင်းမြစ်များ

Matius 5:12

Maaru-aruio wo masalé-salé'o, ampa'paan en laasamu wangko' an sorga. Sé nabi menonou indior ka'i niokoio tanu siitu.”

Matius 5:4

Pakakamangen sé tou mala'lu-la'lu, ampa'paan séra itu iboren oka.

Lukas 6:21

Pakakamangen kamu sé intarépé' maarem, ampa'paan émaan oka i Amang Kasuruan kamu mawesu. Pakakamangen kamu sé intarépé' maamé', ampa'paan émaan oka i Amang Kasuruan kamu kumé'ké'.

Yohanes 16:22

Tanu siituo ka'i en até miow intarépé' mawendu keli. Taan Aku meta'up oka sumawel ang karapi miow wo en até miow maarui oka, wo ra'ica wana tou e ro'na mandét ing kaaruian in até miow.

Kisah Para Rasul 16:25

Wona' ang katoora im bengi, si Paulus wo Silas sumombayang wo kumantar ing kakantaren rarayoan a si Amang Kasuruan wo palingan ka'i é tou walina am bui.

Kisah Para Rasul 3:6

Taan icua i Petrus ai sia, “Yaku ra'ica wana mas wo pérak. Taan sapa si a yaku, siitu em bééku ai co: Ang karapi i ngaran i Yesus Kristus si tou Nazaret itu, tumulung wo maya'o!”

Kisah Para Rasul 5:41

Wo itela'u é ruru'du'an itu en sidang Mahkamah Agama ang karapi in arui ampa'paan weroten éra sapaoka séra nianggapo i Amang Kasuruan patus meta'up ing kawenduan ampa'paan i ngaran i Yesus.

Roma 11:12

Anaé, ampa'paano ing kameséaan é tou Israel, eng kasiwakana sé bangsa walina makéré ing kamang asi Amang Kasuruan owo. Lébé-lébépé' ka'i sa sé bangsa Israel itu meelurano sumawel wo Sia, sé bangsa walina tantu makéré oka ing kamang ilumébé-lébé mai ai Sia.

Roma 12:15

Maaru-aruio mangé mewali-wali wo sé tou maaru-arui, wo maamé'o mangé mewali-wali wo sé tou maamé'!

Roma 15:13

Pekiupusenku a si Amang Kasuruan si palemboian im paarapen, e méé mai ing kaaruian wo ing kaeluran si mawuta-wuta ampa'paan kamu maéman ai Sia, wosama' eng kaketeran i Roh Le'nas lumepe-lepet ai camu, am paarapen a si Amang Kasuruan.

Roma 8:32

Si Toyaang-Na in esa ra'ica pena-nangen-Na en sumangkum ing kawenduan taan aisarakan-Na torona kita im baya. Sa taniitu, tantu iwéé-Na oka ai cita em baya-waya mewali-wali wo Sia.

Roma 9:2

sapaoka en atéku susa keli wo tatap mawendu ampa'paan sé tou Israel tou ra'ica maéman a si Yesus.

1 Korintus 1:5

Ampa'paan kamu mamualio anu i Kristus, akar kamu imasiya'o am baya-waya tanu mai sé anio': makawoo maroma' i nunuwu' loor wo kelian eng kailekan andumoro' im paémanen a si Kristus.

2 Korintus 2:4

An tutuwku imatic in surat indior ai camu, yaku uli-ulit ra'ica makaaté in sama' wo mawendu wo makakeli-keli mengamé-ngamé'. An tutuw itu ra'ica kiimku méma' icamu mawendu ampa'paan in surat itu, taan en icasalé'ku wosama' kailekan iow, yaku uli-ulit mengaupus icamu.

2 Korintus 4:15

Icami mendamo mai waya ing kawenduan itu asaloke' ing kalooran iow. Icami talesen masaru ing kawenduan itu wosama' en upus aitambér i Amang Kasuruan makakeli en tou imendam. Wo in taniitu makakelio sé tou makua i makapulu'sama' a si Amang Kasuruan, akar Sia iparayo-rayo wo pasiri-siriin.

2 Korintus 4:7

En Abar Kaaruien sé pakua ami itu ayandé tanu ing kasiyaan sosor em bééna. Wo icami sé mengakua in Abar Kaaruien itu ayandé tanu ing kuré' taweté'. Icami makaanu ing kasiyaan anio' an untep ing kuré'. En itu imamuali en tumuru' sapaoka eng kaketeran si lumepe-lepet itu asi Amang Kasuruan owo ra'ica ai cami.

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

Efesus 3:16

Pekiupusenku a si Amang Kasuruan si parayo-rayo wo pasiri-siriin itu, wosama' en até miow wutu-wutul keteren-Na ang karapi ing kawasa i Roh-Na,

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,

Filipi 2:17

Tumo'tolke' mai asi kataré an tutuwku kumua in Abar Kaaruien ai camu, kamu mapercaya a si Apo' Yesus wo isumarakano ing katouan iow e maéma' ing kasalé'an-Na. Anaé, mandé ka'i aku ukumen patén ampa'paan in tawoienku e mengakua in Abar Kaaruien andumoro' i Yesus Kristus ai camu, en itu ra'ica sapa-sapa. Yaku kasake' kumua imakapulu'sama' a si Amang Kasuruan wo maaru-arui oka mewali-wali wo icamu.

Filipi 4:4

Maaru-aruio mangé ampa'paan kamu meesao wo si Apo' Yesus! Makasapé' icuaku, maaru-aruio mangé!

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

Kolose 3:16

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow.

1 Tesalonika 1:6

Wo kamu mengakiito im peri ami wo im peri i Apo' Yesus. Mandé awéan tou maokoi camu, émaan i Roh Le'nas kamu kasake' tumerima in arui en taar i Casuruan.

1 Tesalonika 5:16

En até miow musti tatap arui,

1 Timotius 4:8

Numaram in owak akar i maketer wayake' im pira eng katoronaan taan numaram in owak mengaapo' a si Amang Kasuruan, kelian eng katoronaanna. En itu tanu si aijanji-Na e maali mai ing kamang ang katouanta intarépé' asi cayo'baan anio' wo ka'i ang katouanta sa.

1 Timotius 6:18

Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

Ibrani 10:34

Mémang kamu kumiito mendam ing kawenduan é tou sé pakabuin. Wo an tutuw pakasa ing kasiyaan iow niandét, kamu maaru-aruike' ampa'paan kailekan iow sapaoka kamu in esa makaanu ing kasiyaan si lumoorai wo tumang akar ing kauré-uré.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

1 Petrus 4:13

Taan maaru-aruio mangé, ampa'paan kamu kumiito imendam ing kawenduan tanu si pinendamai i Kristus, wosama' an tutuw i Kristus maai sumawel ang karapi i rarayo wo in sisiri'-Na, kamu ro'na masalé-salé' wo maaru-arui.

Wahyu 2:9

Kailekan-Ku eng kasusaan iow wo eng kalengéian iow, taan am beren i Casuruan kamu siya'. Kailekan-Ku ka'i e ngaran iow pengawuruken é tou sé mangaku séra tou Yahudi. Taan en ulitna séra ra'ica tou i Amang Kasuruan taan séra itu jamaat i kikiiten é sétang.

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.