2 Korintus 6:1 - En Taar Weru a nunuwu' é Tontemboan

¹ Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

2 Korintus 6:1 ပူးပေါင်းရင်းမြစ်များ

Matius 23:37

“Éi tou Yerusalem! Pinaté miow sé nabi, wo ka'i winangkil iow im batu sé tou ayutusai i Amang Kasuruan. Makapirao Aku masalé' lumi'us icamu im baya mai anduru-Ku, meputé si inang é ko'ko' lumi'us sé sisina an darem in tétéléwna. Taan ra'ica kiim iow.

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Kisah Para Rasul 14:3

Anaé, si Paulus wo si Barnabas mento' uré toyo' am bitu. Wo ang karapi in da'ica wana kaindé'an pengua-ngua éra en abar andumoro' in upus aitambér i Casuruan. Séra in dua winéan-Na kawasa e méma' in tuu-tuus sé ra'io icakua wo kakaya'kaan-kakaya'kaan.

Roma 12:1

Poo-poowku an esa paémanen! Ampa'paan si Amang Kasuruan itumuru'o ing kaupusan-Na ai cita, ampa'paano in itu sina'uenku kamu wosama' kamu méé in owak iow tanu raragés menonou, si le'nas wo ka'i si méma' in até-Na arui. Siituo em pengaapo' iow si mauli-ulit.

1 Korintus 3:9

Ampa'paan kami in dua sé matawoi mewali-wali wo si Amang Kasuruan wo kamu tanuoka in uma i Amang Kasuruan wo ka'i tanuoka im balé-Na.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

Galatia 2:21

Ra'ica icélongku en upus aitambér i Amang Kasuruan. Ampa'paan sa awéan tou sé nianggap wutul an dior-Na ampa'paan makiit in ukum Torat, tantu em papaté i Kristus ra'ica wana en torona.

Galatia 3:4

Ra'ica réén wana en torona waya eng kamang sé tinerimao miow kekawus iow maéman a si Kristus? Yaku wutu-wutul mercaya sapaoka pakasa en itu ra'ica ra'i-ra'i taan tantu awéan en toronana ai camu.

1 Tesalonika 3:5

Ampa'paan in ituo ayutus ami si Timotius ai camu ampa'paan kami ra'io makatang sa ra'io luminga in abar andumoro' icamu. Icasalé'ku makéré abar, sapaoka kamu maémané' a si Yesus kuma'pa ra'io. En icaindé'ku oréoka kamu katawérano i kikiiten é sétang wo ra'io maéman a si Yesus. Sa wutu-wutul mamuali taniitu, ra'- ica wana en torona sé tinawoi ami indior.

Titus 2:11

Ampa'paan si Amang Kasuruan itumambéro mai in upus-Na en lumowir waya sé tou.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

Ibrani 12:25

Ampa'paan in ituo, sa si Amang Kasuruan maroma' ai camu tioo ipakélong. Indior sé tou Israel ra'ica mengalinga in taar i Amang Kasuruan sé ipakua i Musa ai séra ang kayo'baan, akar séra makéré in ukuman. Wopé'taré icita anio', sa kita ra'ica mengalinga in taar-Na si an sorga owo, tantu kita ra'ica icaséip an ukuman.

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

1 Petrus 4:10

Kamu si esa wo si esa itumerimao ing kamang aitambér i Roh Le'nas, anaé musti pakén iow sumama-sama' eng kamang aitambér itu en sumelewir sé kakélé tou.