2 Korintus 5:6 - En Taar Weru a nunuwu' é Tontemboan

⁶ Ampa'paano in itu en até ami kasake' talesen. Kailekan ami eng kauré ami imaento'pé' asi owak anio', em balé ento'an ami mewali-wali wo si Amang Kasuruan tayang wo icami.

2 Korintus 5:6 ပူးပေါင်းရင်းမြစ်များ

2 Korintus 5:1

Kailekan ami sa en ténda paento'anta, siituo en owakta, ang kayo'baan anio' tongkaren wo icita sinadiaano i Amang Kasuruan esa walé an sorga. Em balé itu ra'ica niéma' ing kama in tou, wo tumang akar ing kauré-uré.

2 Korintus 5:8

ampa'paan in ituo en até ami talesen. Icami lébé masalé' icawekar asi owak ami anio' wo mento' ang karapi i Amang Kasuruan.

Ibrani 10:35

Ampa'paan in itu, tioo ipaweka-wekar em paémanen iow a si Kristus, ampa'paan kéréan oka miow en laasa wangko' asi Amang Kasuruan.

Ibrani 11:13

Pakasa in tou itu maéman a si Amang Kasuruan akar séra imaté. Sera ra'ica tumerima sapa si aijanji i Amang Kasuruan, taan si aijanji itu asalo tinéinteng wo pengapé-ngapéien éra an tayang. Wo séra imangaku sapaoka séra itu asalo tou imanangkéi ang kayo'baan anio'.

Ibrani 13:14

Ampa'paan ang kayo'baan anio' ra'ica wana kota ento'anta akar ing kauré-uré, kita maento-ento' ing kota ento'anta si maai oka sa.

1 Petrus 5:1

Yaku ka'i penatua an jamaat kaputé miow. Yaku anio' sairi an tutuw i Kristus pengaokoien. Wo an tutuw i Kristus maai sumawel ang karapi i rarayo wo in sisiri'-Na, yaku icauntep asé tou sé makéré oka bagéan asi rarayo wo in sisiri' si ituru' oka itu. Anaé, sina'uenku kamu sé penatua katawoiku:

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.