2 Korintus 5:2 - En Taar Weru a nunuwu' é Tontemboan

² An tutuw icita makaento' asi ténda anio', icita mangimbulu wo icasalé'ta keli e mangé mento am balé an sorga.

2 Korintus 5:2 ပူးပေါင်းရင်းမြစ်များ

Roma 7:24

Oré wéta' aku anio'! Si séi e ro'na lumowir yaku ang kawasa ing kamesé-meséaan anio' si makawali yaku am papaté?

Roma 8:23

Wo ra'ica sé niéma' i Amang Kasuruan ituke' sé mangimbulu, icita in esa ka'i mangimbulu an untep in atéta. En ulitna kita sé tumerimao i Roh Le'nas si wéwéé kataré-taré i Amang Kasuruan. Taan intarépé' kita mangento-ngento'pé' in oras i Amang Kasuruan imekar icita ang kawasa ing kamesé-meséaan wo ing kawenduan wo mai mangkai icita mamuali toya-toyaang-Na.

1 Korintus 15:51

Wéé mio' sumama-sama' an dékén! Awéan sé icaenepé' en aicuaku ai camu: ra'ica pakasa icita e maté, taan en owakta im baya mawalina.

Filipi 1:23

Ra'io kasisiranku asé rua sisiran itu. Yaku masalé' keli tumela'u ing kayo'baan anio' wo mangé mento' mewali-wali wo si Kristus, ampa'paan en itu si lumébé loorai.