2 Korintus 5:11 - En Taar Weru a nunuwu' é Tontemboan

¹¹ Kailekan ami sapa eng kaangéan i maindé' a si Amang Kasuruan, ampa'paan in iituo raméjin ami méé ing kapercayaan a sé tou andumoro' in owak ami. Kailekan wutul i Amang Kasuruan sé an untep in até ami. Wo paarapenku kakailekan iow en até ami.

2 Korintus 5:11 ပူးပေါင်းရင်းမြစ်များ

Matius 10:28

Tioo kamu maindé' a sé tou sé asalo makawoo maté in owak iow taan ra'ica wana kawasa e maté i mu'kur iow. Taan maindé'o mangé a si Amang Kasuruan si makakawasa e maté in owak wo i mu'kur iow a naraka.

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Lukas 12:5

Intarépé' icua-Ku ai camu andumoro' si séi e musti caindé' miow. Si musti caindé' miow wayake' si Amang Kasuruan! Ampa'paan Sia awéan kawasa e maté in owak é tou wo ka'i awéan kawasa en tuméndél i mu'kur é tou an api si ra'ica mape'de-pe'del akar ing kauré-uré. Anaé, icua-Ku ai camu, wayake' si Amang Kasuruan e musti caindé' miow.

Lukas 16:31

Icua i Abraham ai sia, ‘Sa ra'ica pandungen éra eng kasairian ang kitap-kitap i Musa wo sé nabi, séra ra'ica kawisa maéman, mandé ka'i awéan tou tumou sumawel am papaté e mangé mokéi ai séra.’ ”

Kisah Para Rasul 13:43

Kumawusai i maapo', sé tou itu kumesot am balé paapo'an wo awéan sé icumiit si Paulus wo si Barnabas. Séra itu sé tou Yahudi wo ka'i sé tou ra'ica Yahudi sé imuntepo agama Yahudi. Si Paulus wo si Barnabas sumina'u ai séra wosama' kasake' i mamangén an upus aitambér i Amang Kasuruan.

Kisah Para Rasul 18:13

Wo icua éra a si gubernur Galio, “Si tou anio' matawér sé tou keli, wosama' maapo' a si Amang Kasuruan ang karapi in lalan si membalinaan wo in ukum Torat.”

Kisah Para Rasul 18:4

Susur in endo Sabat, si Paulus memaa-maar a sé tou Yahudi wo sé tou Yunani am balé paapo'an é agama Yahudi. Am bitu, raméjinna séra wosama' maéman a si Yesus.

Kisah Para Rasul 19:26

Intarépé' sinéréo wo liningao miow in esa, ampa'paano taré i Paulus akar sé tou ra'io maapo' a si opo'ta Artemis. Pemaso-masoonna in léwo' sé tou wo ipakuana, sé patong paémaanta ra'ica wutul. En itu aicuana ra'ica asaloke' an Efesus, taan misio am pakasa in Asia.

Kisah Para Rasul 26:26

Si aicuaku a si tuang kolano kailekan waya i tuang. Ampa'paano in itu yaku ra'ica maindé rumoma' ang karapi ra'ica ipaene-enep an dior i colano. Percayanku ra'ica wana mandé esake' sé aicuaku wo ra'ica kailekan i colano, ampa'paan pakasa en itu imamuali an dior é tou keli.

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

2 Korintus 5:20

Anaé, icamio sé a yutus i Kristus. Sa kami sumina'u icamu, en itu meputéo si Amang Kasuruan sumina'u. Wo ang karapi i ngaran i Kristus, uli-ulit pekiupusen ami, wosama' icamu meeluran wo si Amang Kasuruan.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Galatia 1:10

Tioo mengawerot sa aku rumaméji marui in até é tou. Yaku rumaméji marui in até i Amang Kasuruan. Sa aku asaloke' rumaméji marui in até é tou, yaku anio' ra'ica ata i Kristus.

Efesus 5:21

Wo ko'kosio' en atému iesa wo sé walina, ampa'paan kamu tou sé mengasiri' si Kristus.

Ibrani 10:31

Kaindéén keli sa kita makéré ukuman asi Amang Kasuruan si menonou.

Ibrani 12:29

Ampa'paan si Amang Kasuruan si paapo'anta itu, Sia tanuoka in api mengatunu im baya-waya.

Yudas 1:23

Tawangeno sé tou sé icasélé'kowo em paémanen wosama' séra ro'na malowir, en itu meputéo kamu icumesot séra asi api naraka owo. Wo ituru'o ka'i mangé eng kaupusan iow a sé tou walina taan mareti-reti mangé wosama' kamu ra'ica katawéran mengaéma' ing kamesé-meséaan kaputé wo iséra. Wo maricao mangé asi karai éra si makotoro, en itu meputé icamu masuut im peri éra sé karican oka mai.

Wahyu 20:15

Wo pakasa sé tou e ngaran éra ra'ica aipatic an untep ing kitap katouan itu, iténdél an untep in ta'sic api itu.