2 Korintus 4:8 - En Taar Weru a nunuwu' é Tontemboan

⁸ Icami pengoko-ngokoien am baya-waya, taan icami ra'- ica icawangkur. Icami ra'io makailek sapa en émaan, taan icami ra'ica katalaan im paarapen.

2 Korintus 4:8 ပူးပေါင်းရင်းမြစ်များ

Yohanes 14:18

An tutuw iow itela'u-Ku sa, kamu anio' ra'ica tanuoka sé toyaang imaulao ang kayo'baan. Yaku maai oka sumawel ai camu.

1 Korintus 10:13

Sé pangepé'an pinendam iow itu, pangepé'an sé manaramo pengasangkumen é tou. Wo si Amang Kasuruan kasake' le'tek an janji-Na, anaé kamu ra'ica iwaya-Na asé pangépé'an sé ra'ica kawooan iow mamuléng. Taan tutuw iow pinangepé'an, kamu wéan-Na oka lalan akar kamu makawoo sumaru im pangepé'an.

2 Korintus 12:10

Ampa'paan in ituo en atéku arui an tutuw aku ra'ica keter. Yaku ka'i arui mandé ipaséro', mawendu, pinaokoi, ang kasusaan ampa'paan makiit asi Kristus. Ampa'paan an tutuw aku ra'ica keter, yaku maketer ampa'paan i Kristus.

2 Korintus 6:12

Kami ra'ica tumutuw in até ai camu, taan icamuo en tumutuw in até ai cami.

2 Korintus 6:4

Aituru'o ami sapaoka am baya-waya kami ata i Amang Kasuruan. Ampa'paan eng kawenduan, eng kasusaan wo ing kawenduan pinendam amio ang karapi in talesen,

2 Korintus 7:5

An tutuw ami icateka' a Makedonia ka'i, pakasa en owak ami wutu-wutul ra'ica makapendam in elur. Am bisa-wisake' ipengapeta'up ami eng kasusaan: awéan kaperéndéran ang kesot wo awéan kaindé'an an até ami.

Galatia 4:20

Icasalé'ku keli mewali-wali wo icamu wosama' aku ra'ica repet rumoma' ai camu. Taan intarépé' aku mentayangan wo icamu akar repetanku i rumoma' ampa'paan ra'io kailekanku sapapé' en émaanku ai camu.