2 Korintus 4:5 - En Taar Weru a nunuwu' é Tontemboan

⁵ En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

2 Korintus 4:5 ပူးပေါင်းရင်းမြစ်များ

Matius 23:8

Taan kamu, tioo masalé' im patuulen éra ‘guru’! Ampa'paan si Guru miow wayake' in esa wo icamu im baya mepoow.

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Yohanes 7:18

Si tou makua mapakéke' im bewerotna in esa, sia maéré-éréke' ing kasiri'an in owakna in esa. Taan si tou si mengaéré ing kasiri'an torona Sia si mutusai si tou itu, tantu sia makua im butul wo ra'ica mengatowo.

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Kisah Para Rasul 2:36

Ampa'paano in itu pakasa sé tou Israel musti wutu-wutul makailek sapaoka si Yesus si aipaku miow ang kayu salip itu, Siao si niangkai i Amang Kasuruan mamuali Kasuruan wo Kristus.”

Kisah Para Rasul 5:31

Wo angkaien-Na mangé si Yesus ang karapi ing kama kakan-Na an tampa pasiri-siriin, wosama' sé tou Israel ro'na mape'dis wo makéré ing kaampungan ang kamesé-meséaan.

1 Korintus 1:23

Taan kami anio' asalo makua in abar andumoro' i Kristus si maté ang kayu salip. En abar andumoro' i Kristus itu, asaloke' mamuali watu pasangkilan a sé tou Yahudi, akar séra ra'ica maéman a si Kristus. Wo sé tou ra'ica Yahudi, paweroten éra en abar itu abar ra'ica wana torona.

1 Korintus 10:33

Menonouo mio' kaputéku. Raméjinku marui in até é tou am baya-waya. Yaku ra'ica mangéré ing kalooranku in esa, taan aku mangéré ing kalooran é tou keli wosama' séra ro'na lowiren.

1 Korintus 12:3

Ampa'paano in itu, musti kailekan iow sapaoka si tou paakinen i Roh i Amang Kasuruan, sia ra'ica kawisa kumua in tana'i, “Kinutuko si Yesus!” Taniitu ka'i ra'ica wana mandé esake' tou e ro'na kumua “Si Yesus itu Kasuruan” sa sia ra'ica pakaakinen i Roh Le'nas.

1 Korintus 15:47

Si tou kataré-taré niéma' an tana' owo. Taan si Kristus si tou karua, Sia itu a mangé en sorga owo.

1 Korintus 2:2

Ampa'paan eng kauré aku mewali-wali wo icamu, pinusé'kuo ra'ica kiimku kumua andumoro' sé walina ai camu, aluar andumoro'ke' i Yesus Kristus si maté ang kayu salip.

1 Korintus 4:15

Yaku anio' tanu amang iow, ampa'paan yakuo eng kataré-taré mai sumusui in Abar Kaaruien andumoro' i Yesus Kristus ai camu. Mandé ka'i mariwu-riwuo eng kakeli sé masusui ai camu andumoro' i Kristus, si amang iow wayake' in esa.

1 Korintus 8:6

Taan ai cita anio', si Amang Kasuruan itu wayake' in esa, Siao si Amang si méma' im baya-waya. Torona Siake' kita menonou. Wo ka'i si Casuruan waya in esa, Siao si Yesus Kristus. Ampa'paano Sia em baya-waya niéma' wo ampa'paano Sia kita menonou.

2 Korintus 1:19

Ampa'paan si Yesus Kristus, Toyaang i Amang Kasuruan, ra'ica icumua “én” kekawus in itu “ra'ica”. Si Kristus ituo si ayabar i Silas, Timotius wo yaku ai camu. An untep i Kristus asaloke' awéan “én”.

2 Korintus 1:24

Kami ra'ica ilumesé' icamu sapa sé musti émanen iow. Taan kami asalo tumawoi mewali-wali wo icamu wosama' kamu makaaru-arui. Émaan ami taniitu ampa'paan em paémanen iow ketero.

Galatia 5:13

Poo-poow, kamu tinowao i Amang Kasuruan mamuali tou sé ra'io ka'i pakakawasan in ukum Torat. Taan tioo pakén iow eng kaloasan itu imamuali alasan i menonou ang kamesé-meséaan. Taan aweso taré kamu si esa wo sé walina mensen-selewirano mangé ang karapi in upus.

Filipi 1:15

Mandé ka'i awéan tou sé mengakua andumoro' i Kristus ampa'paan menii-niim ing kasuutan wo ampa'paan meindo-indoan roma', taan awéan tou walina mengakua andumoro' i Kristus ang karapi im pawasan loor.

Filipi 2:11

wo séra im baya mangaku sapaoka si Yesus Kristus itu Kasuruan. Wo in taniitu, si Amang Kasuruan Amangta em parayo wo pasiriin.

2 Timotius 2:10

Ampa'paan in iituo aku talesen mengawuléng ing kawenduan itu wosama' sé tou sinisiro i Amang Kasuruan ro'na maéman a si Kristus Yesus wo makéré ing kalowiran ang karapi i rarayo wo in sisiri' akar ing kauré-uré.

Titus 1:11

Sé tou tanu siitu musti iru'du'mu menes wosama' séra ra'io mengasusui sé ra'ica wana en torona. Ampa'paan sé pengasusui éra itu mengauwak sé tou wosama' séra ro'na makéré roit. Wo en sususuien éra itu lumicokoo sé keli pamalé'.

2 Petrus 2:3

Ampa'paan sé guru ra'ica wutul itu longi' in doit, séra masisil in sisisilen sé niéma' éra in esa torona muwak icamu. Ampa'paano sé niéma' éra itu, en ukuman éra uréo keli aitu'tulo i Amang Kasuruan wo em papaté éra ra'io ipauré-uré.