2 Korintus 4:12 - En Taar Weru a nunuwu' é Tontemboan

¹² Anaé, penaru-narun ami em papaté, ampa'paan in itu icamu makéré ing katouan akar ing kauré-uré.

2 Korintus 4:12 ပူးပေါင်းရင်းမြစ်များ

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

1 Korintus 4:10

Ampa'paan kami makua andumoro' i Kristus, paweroten é tou ing kayo'baan tanu tou bodok, taan kamu tirayo sapaoka kamu itu tou pinter ampa'paan maéman a si Kristus. Kami ka'i paweroten é tou ing kayo'baan tanu tou ra'ica keter em paémanen taan kamu marayo in owak sapaoka kamu ketero em paémanen. Kami pengawawa' é tou ing kayo'baan taan kamu iparayo-rayo é tou keli.

2 Korintus 12:15

Anaé, ang karapi in arui en até icasalé'ku maké im pakasa sé a yaku en isumelewir icamu, lébé-lébé eng katouanku in esa ka'i icasalé'ku iwéé ai camu. Kamu icaupusku keli, kéitu réén makaina'ke' en upus iow a yaku?

2 Korintus 13:9

Arui kami sa kamu keter, mandé ka'i kami ra'ica keter. Isombayang ami wosama' kamu maréng sumawel menonou wutul.

2 Korintus 4:11

Ang kauré ami menonou, tatapke' awéan tou maawo-awo e maté icami ampa'paan makiit si Yesus. Wo taniitu kaséréano sapaoka si Yesus menonou an owak ami si ro'na maté anio'.

2 Korintus 4:13

Ang Kitap Le'nas awéan e makua, “Percayanku, ampa'paan in ituo aku manuwu'.” Anaé, ang karapi ing kaincayaan imaéman tanu siitu ka'i, kami manuwu' ampa'paan percayan ami.

Filipi 2:17

Tumo'tolke' mai asi kataré an tutuwku kumua in Abar Kaaruien ai camu, kamu mapercaya a si Apo' Yesus wo isumarakano ing katouan iow e maéma' ing kasalé'an-Na. Anaé, mandé ka'i aku ukumen patén ampa'paan in tawoienku e mengakua in Abar Kaaruien andumoro' i Yesus Kristus ai camu, en itu ra'ica sapa-sapa. Yaku kasake' kumua imakapulu'sama' a si Amang Kasuruan wo maaru-arui oka mewali-wali wo icamu.

Filipi 2:30

ampa'paan si Epafroditus misio maté an tawoien maselewir in tawoien i Kristus. Aipetaruna en owakna en tumawang yaku tanu sawel iow ampa'paan kita mentayangan.

1 Yohanes 3:16

Kailekanta en upus wutul asi Kristus owo. Aiwéé-Nao en owak-Na akar imaté toronata. Ampa'paan in ituo kita musti méé in owakta akar imaté torona é poo-poowta.