2 Korintus 4:11 - En Taar Weru a nunuwu' é Tontemboan

¹¹ Ang kauré ami menonou, tatapke' awéan tou maawo-awo e maté icami ampa'paan makiit si Yesus. Wo taniitu kaséréano sapaoka si Yesus menonou an owak ami si ro'na maté anio'.

2 Korintus 4:11 ပူးပေါင်းရင်းမြစ်များ

Roma 8:11

Sa e Roh i Amang Kasuruan si tumou sumawel si Yesus an uner é tou maté maento' an untep in owak iow, eng kaangéanna en owak iow si ro'na maté itu, touen oka ka'i sumawel i Roh i Amang Kasuruan si tumouo sumawel si Yesus Kristus an uner é tou maté.

Roma 8:36

Tanu sé aipatic ang Kitap Le'nas in tana'i: “Ampa'paano Ico, susur in endo kami mengasaru im papaté, kami pengaémaan tanu sé domba im pokoleno.”

1 Korintus 15:31

Poo-poowku, susur in éndo aku mensaruan wo im papaté, ampa'paan aku marayo ing katouan iow ampa'paan kamu maémano a si Kristus Yesus Apo'ta.

1 Korintus 15:49

En owakta intarépé' meputé wo in owak i Adam si niéma' an tana' owo. Taan maai oka sa en owakta meputé wo si Kristus si an sorga owo.

2 Korintus 4:10

Am bisake' en angéan ami tatap mapendam im patén tanu im pinendam mai i Yesus, wo in taniitu kaséréano sapaoka si Yesus menonou an owak ami.

2 Korintus 4:12

Anaé, penaru-narun ami em papaté, ampa'paan in itu icamu makéré ing katouan akar ing kauré-uré.

2 Korintus 5:4

Ang kauréta maento' an ténda asi kayo'baan anio', icita mangimbulu ampa'paan uter em pamuléngenta. En itu ra'ica ampa'paan icasalé'ta mekar in owakta asi kayo'baan anio', taan ampa'paan icasalé'ta maké in owak si an sorga owo wosama' en owakta si ro'na maté anio' sawelan mamuali owak menonou akar ing kauré-uré.

2 Korintus 6:9

En ulitna kami anio' katuusan é keli tou taan sé walina mawerot ra'ica katuusan éra. Kami misi oka imaté, taan kami menonoué'. Mandé kami niokoi, taan kami ra'ica pinaté.