2 Korintus 4:1 - En Taar Weru a nunuwu' é Tontemboan

¹ Ampa'paano ing kaupusan i Amang Kasuruan, émaan ami en tawoien anio'. Ampa'paan in ituo cami ra'ica katalaan in arapan.

2 Korintus 4:1 ပူးပေါင်းရင်းမြစ်များ

Lukas 18:1

Icua i Yesus esa andéan a sé murit-Na en sumusui séra wosama' ra'ica mengasuut mengasombayang a si Amang Kasuruan.

1 Korintus 3:5

Sa kumiit icamu, si séi réén si Apolos itu? Wo si séi réén si Paulus itu? Kami in dua asalo tou maselewir a si Amang Kasuruan. Kami sé makawalio icamu e maéman a si Kristus wo kami si esa wo si esa asalo maéma' in tawoien si airu'du' i Amang Kasuruan ai cami.

1 Korintus 7:25

Intarépé' aku rumoma' andumoro' sé tou ra'ipé' icumawéng, mangala'un kuma'pa mangalitou. Andumoro' iséra itu, aku ra'- ica makéré perénta asi Casuruan owo. Taan aku si tou ro'na papercayan iow, ampa'paan si Casuruan tumuru'o ing kaupusan-Na a yaku, méé im bewerotku andumoro' iséra.

2 Korintus 3:12

Ampa'paan kami makaanu in arapan tanu siitu, kami ra'ica maindé' en tumindak.

2 Korintus 3:6

Siao e méma' icami makawoo imamuali maselewir sé makua in esa perjanjian weru a sé tou. Em perjanjian itu ra'ica an ukum sé aipatico indior, taan asi Roh i Amang Kasuruan owo. Ampa'paan en ukum aipatic itu sa ra'ica kiiten, makawali am papaté, taan e Roh i Amang Kasuruan mawéé ing katouan.

2 Korintus 4:16

Ampa'paan in ituo kami ra'ica mateké' en até. Mandé ka'i en owak ami makauré makalembi, taan e roh ami susur in endo pemeru-merun wo makaketerke'.

2 Korintus 5:18

Pakasa in itu tatawoi i Amang Kasuruan. Émaan-Na icita meeluran wo Sia ampa'paano i Kristus. Wo si Amang Kasuruan iméé in tawoien ai cita e makawali waya sé tou meeluran wo Sia.

Galatia 6:9

Anaé, tioo kita mengasuut mengéma-ngéma' sé loor. Sa imayo en témpona, kéréanta oka em buéna sa kita ra'ica mengasuut mengaéma' sé loor.

Efesus 3:13

Ampa'paan in ituo pangilekenku kamu tioo mateké' en até iluminga andumoro' ing kawenduanku. Kamu ro'na tumirayo ampa'paan aku mawendu torona ing kalooran iow.

Filipi 4:13

Ang kaadaan in sapake' eng kinasangkumanku, susa kuma'pa arui, kawooanku i muléng ampa'paan i Kristus si cumeter yaku.

2 Tesalonika 3:13

Wo kamu é poo-poow, tioo mengasuut mengéma-ngéma' sapa sé loor.

1 Timotius 1:13

Indior aku maojat si Apo' Yesus. Paokoienku wo paséro'ku ka'i sé tou maéman ai Sia. Mandé in taniitu, aituru'-Na eng kaupusan-Na a yaku ampa'paan aku ra'ipé' maéman ai Sia si Toyaang i Amang Kasuruan wo ra'ica kailekanku sapa e niéma'ku.

Ibrani 12:3

Pena'né-na'néien angé si Yesus, si le'tek muléng ing kawenduan uter an tutuw Sia paokoien é tou ang kamesé-meséaan. Wo in taniitu kamu ra'ica mateké' en até wo ra'ica katalaan im paarapen.

1 Petrus 2:10

Indior kamu ra'ica tou i Amang Kasuruan, taan intarépé' kamu imamualio tou-Na. Wo indior kamu ra'ipé' itumerima ing kaupusan i Amang Kasuruan taan intarépé' kamu tumerimao ing kaupusan-Na.

Wahyu 2:3

Kailekan-Ku ka'i kamu talesen wo wendu ampa'paan i ngaran-Ku, wo kamu ra'ica mendam in la'lé.