2 Korintus 3:12 - En Taar Weru a nunuwu' é Tontemboan

¹² Ampa'paan kami makaanu in arapan tanu siitu, kami ra'ica maindé' en tumindak.

2 Korintus 3:12 ပူးပေါင်းရင်းမြစ်များ

Yohanes 10:24

Wo sé tou Yahudi mali'usai wo lumi'cir a si Yesus wo icua éra, “Akar kawisa réén iwaya-Mu kami marua-rua wasa? Sa Ko Mesias, icuao mai ai cami tioo ipaene-enep.”

Yohanes 16:25

Pakasa en anio' aicua-Kuo ai camu maké in andéan. Taan maai oka en témpona icua-Ku ai camu ra'ica ka'i maké in andéan. An tutuw itu icua-Ku oka ai camu ang karapi in da'ica ipaene-enep andumoro' i Amang-Ku.

Yohanes 16:29

Wo icua é murit-Na, “Intarépé' ang karapi in da'ica ipaene-enep si Guru icumua ai cami, ra'io ka'i maké andéan.

Kisah Para Rasul 14:3

Anaé, si Paulus wo si Barnabas mento' uré toyo' am bitu. Wo ang karapi in da'ica wana kaindé'an pengua-ngua éra en abar andumoro' in upus aitambér i Casuruan. Séra in dua winéan-Na kawasa e méma' in tuu-tuus sé ra'io icakua wo kakaya'kaan-kakaya'kaan.

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

Kisah Para Rasul 9:27

Taan awéan esa tou makangaran Barnabas, terimana si Saulus wo iwalina mangé a sé ruru'du'an i Yesus. Isisilna ai séra tambisa si Saulus suméré si Yesus an uner im bawayaan wo tambisa si Casuruan mapaar wo sia wo ka'i tambisa sia ra'ica maindé' masusui a sé tou keli an Damsyik andumoro' i Yesus.

Kisah Para Rasul 9:29

Si Saulus ka'i maroma' wo meindo-indoan roma' wo sé tou Yahudi sé mapaké i nunuwu' é Yunani. Wo séra mangéré lalan e maté isia.

1 Korintus 14:19

Taan am pali'usan i maapo' a si Amang Kasuruan, casalé'ku keli makua lima nuwu' sé ro'na ka- angéan é tou, wotaré mapaké mariwu-riwu nuwu' a nunuwu' i Roh. Lébé icasalé'ku taniitu wosama' ro'na susuianku sé tou.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 3:11

Wo sé itumang itu asalo ang karoro'anke' imasendot, taan sé akar ing kauré-uré tantu ulit-ulit lébé sendot.

2 Korintus 4:13

Ang Kitap Le'nas awéan e makua, “Percayanku, ampa'paan in ituo aku manuwu'.” Anaé, ang karapi ing kaincayaan imaéman tanu siitu ka'i, kami manuwu' ampa'paan percayan ami.

2 Korintus 7:4

Yaku uli-ulit mercaya icamu. Wo ka'i kamu uli-ulit iparayoku! Mandé ka'i kelian eng kawenduan pinendam ami mai, en atéku kinaiboran keli ampa'paan icamu. En atéku uli-ulit arui.

Filipi 1:14

Wo ka'i ampa'paano aku binui, makakelio taré sé poo-poowta maéman am bia'i makaketer em paémanen a si Apo' Yesus akar séra ra'io wana eng kaindé'anai mengakua in Taar i Casuruan.

Filipi 1:20

En icasalé'ku wo em paarapenku wosama' aku ra'- ica papalawi' mengaéma' in tawoien si aiwéé i Amang Kasuruan. Wo em butulna en casalé'ku sapaoka intarépé' aku kasake' ra'ica maindé' mengakua andumoro' i Kristus kaputé indior. Anaé aku menonou kuma'pa maté ra'ica sapa-sapa, em penting keli si Kristus em parayo wo pasiriin am pakasa sé pengaémaanku.

Kolose 4:4

Isombayango mangé wosama' ro'na sisilku i makakii-kiit en abar itu, ampa'paan siituo si musti émaanku.

1 Tesalonika 2:2

Kailekan iow ka'i, an tutuw ami ra'ipé' mai ai camu, kami niokoio wo aiséroo an Filipi. Taan mandé ka'i in taniitu kami tinawango i Amang Kasuruan wosama' kami ra'ica wana eng kaindé'an eng kumua in Abar Kaaruien-Na ai camu.

1 Timotius 3:13

Sa pengaselewiran éra in sumama-sama' sé jamaat, tantu sé mengaselewir itu ka'i pasiri-siriin é jamaat, wo in taniitu ra'ica wana eng kaindé'an éra manuwu' a sé jamaat andumoro' im paémanen éra a si Yesus Kristus.

Filemon 1:8

Ampa'paano in upus i Kristus itu yaku mekiupus ai co, mandé ka'i aku ro'na woo rumu'du' ico andumoro' in sapa si musti émaanmu,