2 Korintus 3:1 - En Taar Weru a nunuwu' é Tontemboan

¹ Paweroten iow réén kami marayo in owak ami ka'i? Ra'ica taniitu em paémaan ami. Awéan piraan tou maperlu in surat kaloasan e mangé ituru' ai camu, kuma'pa surat aipatic iow paalin angé an tampa walina. Taan icami ra'ica maperlu sé surat tanu siitu.

2 Korintus 3:1 ပူးပေါင်းရင်းမြစ်များ

Kisah Para Rasul 18:27

Kekawus in itu si Apolos masalé' mangé an Akhaya. Anaé, sé tou maéman an Efesus kumirim surat a sé tou maéman an Akhaya wosama' ro'na sumungkul sia. Wo an tutuw i Apolos icateka' an Akhaya, sia wutu-wutul tumawang sé tou maéman ampa'paan in upus tatambér i Amang Kasuruan.

Roma 16:1

An suratku anio' aicuaku andumoro' si poowta wéwéné an esa paémanen makangaran Febe wosama' sia katuusan iow. Sia mengaselewir sé jamaat ang Kengkrea.

1 Korintus 10:33

Menonouo mio' kaputéku. Raméjinku marui in até é tou am baya-waya. Yaku ra'ica mangéré ing kalooranku in esa, taan aku mangéré ing kalooran é tou keli wosama' séra ro'na lowiren.

1 Korintus 16:3

An tutuw aku imayo ai camu ang Korintus, yutusku oka mangé piraan tou sé paweroten iow ro'na patokéan e maali mangé in doit sé lini'uso miow itu. Wéanku oka séra surat em paalin wosama' en doit lini'us iow itu paalin éra mangé an Yerusalem.

1 Korintus 3:10

Si Amang Kasuruan tumambéro mai in upus-Na a yaku akar aku si tou e makailek wutul im bangunan tumuliro im pandasi enté', wo sé tou walina mawangun am bawo im pandasi itu. Taan si esa wo si esa tou musti méé rékén sumama-sama' tumambisa sia mangun am bawo im pandasi patuuran itu.

1 Korintus 4:15

Yaku anio' tanu amang iow, ampa'paan yakuo eng kataré-taré mai sumusui in Abar Kaaruien andumoro' i Yesus Kristus ai camu. Mandé ka'i mariwu-riwuo eng kakeli sé masusui ai camu andumoro' i Kristus, si amang iow wayake' in esa.

2 Korintus 10:12

Tantu kami ka'i ra'ica brani ipeputé kuma'pa méma' in owak ami kaputé é tou marayo in owak in esa. En ulitna séra bodok ampa'paan séra mengaukurke' in owak éra mengapaké in ukuran in esa. Pengapeputé éra en owak éra ang karapi in owak in esa.

2 Korintus 10:18

Ampa'paan ra'ica si tou mengatirayo in owakna in esa si wutul am beren i Casuruan, taan si tou ipatirayo-tirayo i Casuruan, siao si wutul am beren-Na.

2 Korintus 10:8

Ra'ica malawi' aku sa talosoo matirayo ing kawasa si aiwééo i Amang Kasuruan ai cami. Ampa'paan eng kawasa itu aiwéé i Amang Kasuruan e méé ing kaketeran am paémanen iow, ra'ica in tumeri im paémanen iow.

2 Korintus 12:11

Yaku rumayoo in owakku in esa tanuoka sé tou bodok. Taan kamuo sé ilumesé' akar aku méma' tanu siitu. En ulitna icamuo si musti mengarayo yaku tanu siitu. Ampa'paan mandé ka'i aku anio' ipakua é tou ra'ica makailek in sapa-sapa, taan am baya-waya yaku ra'ica kaindoan é ruru'du'an wangko' itu.

2 Korintus 12:19

Ang kauré miow maca in surat anio', weroten réén miow sapaoka kami asalo méla in owak an dior iow? Ra'ica tanu siitu! Kailekan i Amang Kasuruan sapaoka pakasa sé ipakua ami itu makiit ing kasalé'an i Kristus. Poo-poow sé icaupusku, sapa sé niéma' ami, en itu e méé ing kaketeran am paémanen iow.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

2 Korintus 5:12

En anio' icami ra'ica rumaméji marayo-rayo in owak ami ai camu. Taan en icasalé' ami asalo iméé témpo ai camu e rumayo icami wosama' kailekan iow en sumowat sé tou sé asalo imarayo in owak andumoro' sé pakasérén, ra'ica sé an untep in até.