2 Korintus 2:4 - En Taar Weru a nunuwu' é Tontemboan

⁴ An tutuwku imatic in surat indior ai camu, yaku uli-ulit ra'ica makaaté in sama' wo mawendu wo makakeli-keli mengamé-ngamé'. An tutuw itu ra'ica kiimku méma' icamu mawendu ampa'paan in surat itu, taan en icasalé'ku wosama' kailekan iow, yaku uli-ulit mengaupus icamu.

2 Korintus 2:4 ပူးပေါင်းရင်းမြစ်များ

2 Korintus 11:2

Kamu icae'bowku tanuoka si Amang Kasuruan manganat icamu. Kamu tanuoka si esa mangala'un si ra'ipé' sumangkum ako tumekel ang karapi i tuama, si aijanjikuo icawéng wo si esa tuama, siao si Kristus.

2 Korintus 12:15

Anaé, ang karapi in arui en até icasalé'ku maké im pakasa sé a yaku en isumelewir icamu, lébé-lébé eng katouanku in esa ka'i icasalé'ku iwéé ai camu. Kamu icaupusku keli, kéitu réén makaina'ke' en upus iow a yaku?

2 Korintus 2:9

Indior aipaticku en surat ai camu e muji sa kamu wutu-wutul mengakiit sé aituru'kuo.

2 Korintus 7:12

Anaé, mandé ka'i aipatickuo en surat itu, ipaticku ra'ica ampa'paan i tou meséa'. Ra'ica ka'i ampa'paan i tou mawendu ampa'paano ing kaséaan itu. Ipaticku en surat itu wosama' an dior i Amang Kasuruan, pendamen iow in esa sapaoka kamu uli-ulit meméé-méé rékén ai cami.

Filipi 3:18

Icuaku in taniitu, ampa'paan awéan e mangémai akar en atéku wendu keli. Tanu sé makakeli-kelio aicuaku ai camu ang karapi i maamé', ita'néiku ai camu sapaoka intarépé' keli tou imangaku séra makiit si Kristus, taan séra ra'ica menonou makiit in sususuien i Kristus si maté ang kayu salip en tumu'bus ing kamesé-meséaanta!