2 Korintus 2:1 - En Taar Weru a nunuwu' é Tontemboan

¹ Anaé, pinusé'kuo an até, yaku ra'io maréng angé ai camu sa asalo iméma' in até miow mawendu.

2 Korintus 2:1 ပူးပေါင်းရင်းမြစ်များ

Kisah Para Rasul 11:29

Kumawus in itu, sé tou maéman an Antiokhia musé' en lumi'us roit patawang iwéé a sé poo-poow an esa paémanen an Yudea, iciit ing kawooan éra i esa wo si esa.

Kisah Para Rasul 15:2

Taan en aicua éra itu wutu-wutul aicélong wo sinangkal i Paulus wo si Barnabas. Ampa'paano in itu sé jamaat an Antiokhia musé' e rumu'du' si Paulus, si Barnabas wo piraan tou walina maangé an Yerusalem e meta'up wo sé ruru'du'an, wo sé penatua e mepaar andumoro' im perkara itu.

Kisah Para Rasul 15:37

Kelinga in itu wo énan i Barnabas wo ka'i icasalé'na e makawali si Yohanes si patuulen ka'i Markus.

1 Korintus 2:2

Ampa'paan eng kauré aku mewali-wali wo icamu, pinusé'kuo ra'ica kiimku kumua andumoro' sé walina ai camu, aluar andumoro'ke' i Yesus Kristus si maté ang kayu salip.

1 Korintus 4:21

Anaé, si wisa en sisiren iow? Yaku mai sumusui ai camu maké in sambok? Kuma'pa aku mai ai camu ang karapi ing kaupusan wo ang karapi ing ko'kos en até?

1 Korintus 5:3

Mandé ka'i aku mentayangan wo icamu taan en atéku ang karapi miow. Yaku ka'i mééo ukuman a si tou si méma'o ing kaléwo'- an itu, tanuoka kéndo' aku an uner iow.

2 Korintus 1:23

Si Amang Kasuruan en sairiku ampa'paan kailekan-Na en atéku. Yaku ra'ica mamuali maai ang Korintus, ampa'paan ra'ica kiimku mendu in até miow.

2 Korintus 13:10

Ampa'paan in ituo aipaticku en surat anio' an tutuw aku ra'ipé' an uner iow. Wo in taniitu sa aku maai sa, ra'io sangali repetanku en tumindak icamu ang karapi imaké ing kawasa aiwéé i Amang Kasuruan a yaku. Eng kawasa itu aiwéé a yaku e méé ing kaincayaan am paémanen iow, ra'ica in tumeri.

2 Korintus 2:4

An tutuwku imatic in surat indior ai camu, yaku uli-ulit ra'ica makaaté in sama' wo mawendu wo makakeli-keli mengamé-ngamé'. An tutuw itu ra'ica kiimku méma' icamu mawendu ampa'paan in surat itu, taan en icasalé'ku wosama' kailekan iow, yaku uli-ulit mengaupus icamu.

Titus 3:12

Éi Titus, iru'du'ku oka si Artemas kuma'pa si Tikhikus maangé ai co. Sa sia icateka'o mangé, rumaméjio ko mario-riorai a yaku ang kota Nikopolis. Ampa'paan pinusé'kuo e mento' am bitu akarke' in oras ing kautingan.