2 Korintus 13:5 - En Taar Weru a nunuwu' é Tontemboan

⁵ Ujin owo sumama-sama' en owak iow sapaoka kamu wutu-wutul menonou maéman a si Kristus kuma'pa ra'ica! Ujino sumama-sama'. Ra'ica réén parcayan iow sapaoka si Kristus Yesus menonou an untep in owak iow? Sa ra'ica taniitu, kamu ra'ica talesen im paujin.

2 Korintus 13:5 ပူးပေါင်းရင်းမြစ်များ

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

Yohanes 15:4

Anaé, menonouo mangé meesa wo Yaku, wo Yaku ka'i meesa wo icamu. Meputé wo im pangana in anggor si ra'ica mengawua' ampa'paan ra'io ka'i meesa wo in tuurana, taniitu ka'i wo icamu. Sa kamu ra'ica menonou meesa wo Yaku, kamu ra'ica méé wua'na.

Yohanes 17:23

Yaku meesa wo iséra wo si Amang meesa wo Yaku, wosama' séra wutu-wutul meesa. Sa séra wutu-wutul meesa, kakailekan oka é tou ra'ica maéman ang kayo'baan sapaoka si Amango e mutusai Yaku wo ka'i si Amango si mengaupus iséra, kaputé si Amang mengaupus Yaku.

Yohanes 17:26

Aicua-Kuo ai séra si séi si Amang en ulitna, wo ipengua-ngua-Ku oka melala'us andumoro si Amang. Wo in taniitu séra maupus oka sé tou walina tanu si Amang mengaupus Yaku wo Yaku meesa wo iséra.”

Yohanes 6:56

Si séike' eng kuman in owak-Ku wo melep in enda'-Ku, si tou itu menonou ang karapi-Ku, wo Aku mewali-wali wo isia.

Yohanes 6:6

Mandé ka'i kailekano i Yesus sapa en émaan-Na oka, taan Sia kumua in taniitu ampa'paan icasalé'-Na ujin si Filipus sa sia wutu-wutul maéman ai Sia.

Roma 1:28

Wo paweroten éra ka'i, ra'io sangali makatuus si Amang Kasuruan, ampa'paan in ituo iwaya i Amang Kasuruan em pakawerot éra icasélé'kow, akar séra mengaéma' sé ra'ica patus émaan éra.

Roma 8:10

Taan sa si Kristus an owak iow, mandé ka'i en owak iow maté ampa'paan ing kamesé-meséaan, e roh miow kasake' menonou ampa'paan kamu nianggapo wutul i Amang Kasuruan.

1 Korintus 11:28

Ampa'paan in ituo si esa wo si esa tou musti muji owo in owakna wo kekawus in itu sia ro'nao kuman i roti wo melep in anggor.

1 Korintus 11:31

Taan sa niujita owo en owakta, kita ra'ica ukumen i Amang Kasuruan.

1 Korintus 3:16

Ra'ipé' réén kailekan iow sapaoka kamu itu tanu Walé i Amang Kasuruan wo e Roh i Amang Kasuruan makaento' ai camu?

1 Korintus 6:15

Ra'ipé' réén kailekan iow sapaoka en owak iow anggota in owak i Kristus? Ro'na réén en owakta si mamualio anggota in owak i Kristus wo indon mamuali anggota in owak i wéwéné sundal? Tantu ra'ica toro.

1 Korintus 6:19

Musti kailekan iow sapaoka en owak iow itu paento'an i Roh Le'nas. E Roh Le'nas itu aiwéé i Amang Kasuruan mento' ai camu. En owak iow ra'ica anu miow in esa taan anu i Amang Kasuruan.

1 Korintus 6:2

Ra'ipé' réén kailekan iow sapaoka sé tou ang kayo'baan anio' akimen oka é tou le'nas? Anaé, sa pakasa sé ang kayo'baan anio' icamu oka e makim sa, kéitu réén intarépé' ra'ica kawooan iow e murus ing kaperéndéran sé ra'ica penting?

1 Korintus 9:24

Tantu kailekano miow sapaoka am papekowaan pakasa in tou sé cumiit tuméron, wayake' in esa e makéré laasa. Taniitu ka'i kamu. Tumérono tanu siitu akar kéréan iow en laasa.

1 Korintus 9:27

Pelati-latinku wo kawasanku pakasa en owakku eng kumiit ing kasalé'an i Casuruan. Yaku méma' tanu siitu, wosama' aku ra'ica kaputé wo sé tou aicélong i Amang Kasuruan, taan aku makéré laasa kumawusai aku makua in Abar Kaaruien andumoro' i Yesus Kristus a sé tou.

2 Korintus 6:16

Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

Galatia 2:20

Intarépé' ang katouanku, ra'io ka'i yaku e menonou, taan si Kristuso si menonou a yaku. Eng katouanku ang kayo'baan anio' katouan si aituuro am paémanen a si Toyaang i Amang Kasuruan si mengaupuso yaku wo isumarakan in owak-Na toronaku.

Galatia 4:19

Éi toya-toyaang sé caupusku, ampa'paan maindé' in andumoro' icamu, yaku ka'i mawendu puté wo ing kawenduan si pinendamo mai i esa wéwéné tutuw makéré toyaang. Yaku mawendu oka melala'us tanu siitu akar em peri i Kristus kaséréan an owak iow.

Galatia 6:4

Aweso taré si esa wo si esa tou numilai im paémaanna loor kuma'pa ra'ica. Sa em paémaanna loor, sia ro'na tumirayo asé sapa sé niéma'na itu. Wo sé pinengaéma'na ra'io sangali ipeputéna wo im pinengaéma' é tou walina.

Efesus 3:17

akar si Kristus mento' an até miow ampa'paan kamu maéman ai Sia wo eng katouan iow maa'mut wo tumuur a si upus-Na.

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

Kolose 1:27

Wo Sia masalé' kumua a sé tou-Na sapaoka sé icaenepé' itu uli-ulit loor wo wangko' asé pakasa in tou sé ra'ica Yahudi. Sé ipakaenep itu tana'i, si Kristus an atéo miow, eng kaangéanna kamu awéan paarapen makéré im bagéan asi rarayo wo in sisiri' asi Amang Kasuruan owo.

Kolose 2:19

En ulitna si tou tanu siitu ra'ica mengamangén asi Kristus si capala é pakasa in tou. Si Kristus itu tanu ro'kos si mengatu'tul waya in owak sé pineesa i no'at wo im buku-wuku, wosama' en owak-Na makaketer kumiit ing kasalé'an i Amang Kasuruan.

Kolose 2:7

Wo iwayao mio' eng katouanmu maa'mut ai Sia wo wanguneno mio' eng katouan iow mamangén ai Sia si tanu tuurna. Iwayao mio' ka'i em paémanen iow makaketer kaputé sé aisusuio ai camu, wo iwayao mio' en até miow mengua-ngua i makapulu'sama' a si Amang Kasuruan.

1 Timotius 2:15

Taan si wéwéne itu malowir oka ampa'paan si toyaang aitouna, sa sia uli-ulit maéman a si Casuruan mandé meta'up in okoi wo mengaupus sé tou walina, menonou ang karapi in até weresi an dior i Casuruan wo ka'i em perina ra'ica tirayo.

2 Timotius 3:8

Katané'ianmupé' to en sisisilen i Yanes wo si Yambres? Indior séra in dua isumundur si Musa, en itu tanu intarépé' sé tou mengatawér sé wéwéné, séra itu ka'i mengasundur in sususuien wutul andumoro' si Yesus. Em bewerot é tou itu kinawasao im bewerot léwo' wo em paémanen éra a si Yesus ra'ica wutul.

Titus 1:13

En aicua i nabi itu wutul. Ampa'paan in ituo, sina'uenmu mangé séra ang karapi i mauli-ulit wosama' séra tatapke' mercaya in sususuien wutul.

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

Titus 2:2

Sina'uenmu mangé sé tuama matu'a wosama' makawoo tumang in owak, makaperi loor akar pasiriin é tou, mapaké ing kapinteran asi Casuruan owo, tatapke' maéman a si Casuruan, mengaupus sé kakélé tou wo talesen mengasaru ing kawenduan.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

Ibrani 6:8

Taan, sa en tana' itu asalo pengatowan ing kuung wo rukut tutunéan, en tana' itu ra'ica wana torona. Wo en tana' itu matawio icutuk i Amang Kasuruan, ang kasomoianna pakatunu-tunun.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

1 Petrus 5:9

Musti sunduren iow si kikiiten é sétang ang karapi im paémanen keter. Ampa'paan kailekan iow ka'i sapaoka sé poo-poow iow an esa paémanen am bisa-wisa ang kayo'baan imendamo ing kawenduan meputé im pinendam iow.

Wahyu 2:5

Ampa'paan in itu, ta'néieno am bisa owo en linepokan iow wo mape'diso mangé. Wo émaano mangé tanu sé niéma' miow indior tutuw iow werupé' maéman. Sa kamu ra'ica mape'dis, Yaku maai oka ai camu, wo mindo in totombol patuliran in sosoloan iow an tampana.