2 Korintus 13:4 - En Taar Weru a nunuwu' é Tontemboan

⁴ Wutul an tutuw i Kristus aisalip, Sia lembi, taan Sia menonou ampa'paano ing kawasa i Amang Kasuruan. Kami ka'i ra'ica keter tanu si Kristus, taan kami ka'i menonou tanu si Kristus ampa'paano ing kawasa i Amang Kasuruan. Anaé, tindaken oka ami ang karapi ing kawasa i Amang Kasuruan torona ing kalooran iow.

2 Korintus 13:4 ပူးပေါင်းရင်းမြစ်များ

Yohanes 10:18

Ra'ica ka'i wana esaan tou e ro'na maté Yaku, taan kasalé'an-Ku in esa en sumarakan in owak-Ku. Ampa'paan Aku awéan kawasa e méé in owak-Ku im patén, wo Yaku ka'i awéan kawasa en tumou sumawel in owak-Ku. Si Casuruan Amang-Ku e rumu'du'o Yaku méma' in itu.”

Kisah Para Rasul 2:36

Ampa'paano in itu pakasa sé tou Israel musti wutu-wutul makailek sapaoka si Yesus si aipaku miow ang kayu salip itu, Siao si niangkai i Amang Kasuruan mamuali Kasuruan wo Kristus.”

Kisah Para Rasul 3:16

Katuusano miow si tou anio' si indior uréo késo'. Si tou sinéré miow anio' maémano a si Yesus, ampa'paan in ituo sia imasama' an dior iow im baya. En itu imamuali ampa'paan sia maéman a si Yesus.

Roma 1:4

taan sa sérén eng kale'nasan ing katouan-Na, Sia itu Toyaang i Amang Kasuruan. En tuusna an tutuw si Amang Kasuruan maké ing kawasa-Na itumou sumawel Sia an uner é tou imaté. Siao si Yesus Kristus Apo'ta.

Roma 14:9

Si Kristus imatéo wo itumou sumawel, wosama' Sia mamuali Kasuruan é pakasa in tou sé menonoué' wo sé imatéo.

Roma 6:4

Anaé, an tutuw kita nibaptis, kita tanu imaté wo aicubur mewali-wali wo si Kristus, wosama' meputé si Kristus tinou sumawel am papaté-Na ang karapi ing kawasa i Amang Kasuruan, Amang si parayo-rayo wo pasiri-siriin, kita ka'i menonou ang katouan weru.

1 Korintus 1:25

Mandé sé niéma' i Amang Kasuruan itu paanggapen é tou ra'ica wana torona, taan sé niéma' i Amang Kasuruan itu en lébépé' pinter asé sapa sé paanggapen é tou itu. Wo mandé sé niéma' i Amang Kasuruan itu paweroten é tou ra'ica wana kawasa, taan sé niéma' i Amang Kasuruan itu en lébépé' wangko' eng kawasana wo sé ro'na émaan é tou.

1 Korintus 15:43

En owak si aicubur owak ra'ica wana wééna, taan en owak si tinou sumawel, owak parayo-rayo wo pasiri-siriin. En owak si aicubur owak lembi, taan en owak si tinou sumawel owak keter.

1 Korintus 2:3

Wo an tutuwku maento' ang karapi miow, en owakku uli-ulit lembi wo maindé' keli akar en owakku gume'ger.

1 Korintus 6:14

En owak i Apo' Yesus tinou sumawel i Amang Kasuruan. Tanu siituo ka'i en owakta, touen oka sumawel ka'i i Amang Kasuruan maké ing kawasa-Na.

2 Korintus 10:10

Ampa'paan awéan e makua “E nunuwu' i Paulus an surat-suratna repet keli wo uter, taan sa sia an unerta em perina ra'ica tanu si an surat wo e nunuwu'na ra'ica wana en torona.”

2 Korintus 12:10

Ampa'paan in ituo en atéku arui an tutuw aku ra'ica keter. Yaku ka'i arui mandé ipaséro', mawendu, pinaokoi, ang kasusaan ampa'paan makiit asi Kristus. Ampa'paan an tutuw aku ra'ica keter, yaku maketer ampa'paan i Kristus.

2 Korintus 13:9

Arui kami sa kamu keter, mandé ka'i kami ra'ica keter. Isombayang ami wosama' kamu maréng sumawel menonou wutul.

Filipi 3:10

Intarépé' en icasalé'ku asalo makatuus si Kristus Yesus wo ing kawasa si tumou Sia am papaté. Wo icasalé'ku imendam ing kawenduan si sinangkum-Nao wo mamuali tanu Sia si mawendu akar imaté,

Ibrani 5:7

An tutuw i Yesus menonou tanu tou ang kayo'baan, Sia masombayang wo mapekiupus ang karapi imaangko' maamé' a si Amang Kasuruan si makawoo lumowir Sia am papaté. Ampa'paan Sia le'tek wo wuta in siri' a si Amang Kasuruan, akar en sombayang-Na lininga.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.