2 Korintus 13:11 - En Taar Weru a nunuwu' é Tontemboan

¹¹ Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

2 Korintus 13:11 ပူးပေါင်းရင်းမြစ်များ

Matius 1:23

“En ulitna, si esa mangala'un maowa-owak oka wo itouna oka mai esa toyaang tuama wo ngaranan éra Sia Imanuel.” (En kaangéanna, Si Amang Kasuruan mewali-wali wo icita.)

Matius 5:48

Ampa'paan in itu, kamu musti lekep, kaputé i Amang iow si an sorga lekep.”

Markus 10:49

Kekawus in itu si Yesus mento' wo kumua, “Towano mai sia!” Ampa'paan in ituo towan éra si tou wola itu wo kumua ai sia, “Kete-keteren en atému, tumulungo mai, patowan i Yesus ko.”

Markus 9:50

Kamu sé makiit Yaku tanu asin. En asin itu mémang loor, taan sa en asin itu imata'pé'o, ra'io wana ka'i torona. Tioo kamu mamuali tanu asin si mata'pé'o, taan menonouo mangé meeluran si esa wo sé walina.”

Lukas 9:61

Awéan ka'i tou walina kumua a si Yesus, “Guru, yaku masalé' kumiit si Guru, taan wéanai kaloasan aku e mangé kumua a sé pamaléku wo aku maréng oka mai sumawel eng kumiit si Guru.”

Yohanes 17:23

Yaku meesa wo iséra wo si Amang meesa wo Yaku, wosama' séra wutu-wutul meesa. Sa séra wutu-wutul meesa, kakailekan oka é tou ra'ica maéman ang kayo'baan sapaoka si Amango e mutusai Yaku wo ka'i si Amango si mengaupus iséra, kaputé si Amang mengaupus Yaku.

Kisah Para Rasul 15:29

Kamu ra'ica toro kuman ing kakanen si ayumpero a sé opo-opo', ra'ica toro kuman sé binatang imaté ampa'paan kiniselan eng kolot, wo ra'ica toro kuman in enda', wo ka'i ra'ica toro mabersina. Sa pakasa en anio' itayang iow, kamu méma'o in loor. Akaré' am bia'i owo en surat ami anio', siri' ai cami owo.”

Kisah Para Rasul 18:21

Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.

Kisah Para Rasul 23:30

Wo awéan tou en icumua a yaku sapaoka sé tou Yahudi meesa mawasa-wasa i maté isia. Siituo, makala'us ru'du'ku sé suraroku makawali mangé isia a si tuang. Wo ru'du'ku ka'i sé tou matudu isia wosama' séra maali im perkara itu a si tuang.”

Roma 12:16

Menonouo mangé kamu meesa en até wo esa wewerot a si esa wo si esa. Tioo kamu mengarangka' in owak, taan mekarapio mangé wo sé tou ipawawa-wawa'. Wo tioo maanggap in owak iow si pinter keli!

Roma 12:18

Sa woo ro'na, rumaméjio mangé kamu menonou elur ang karapi é pakasa sé tou.

Roma 14:19

Ampa'paano in itu mayoo kita rumaméji mengaéma' andumoro' ing kaeluran wo membém-béan angé ing kaketeran im paémanen si esa wo si esa.

Roma 15:13

Pekiupusenku a si Amang Kasuruan si palemboian im paarapen, e méé mai ing kaaruian wo ing kaeluran si mawuta-wuta ampa'paan kamu maéman ai Sia, wosama' eng kaketeran i Roh Le'nas lumepe-lepet ai camu, am paarapen a si Amang Kasuruan.

Roma 15:33

Pekiupusenku woo a si Amang Kasuruan si palemboian ing kaeluran, mewali-wali oka wo icamu im baya. Ulit.

Roma 16:20

Wo si Amang Kasuruan, si palemboian ing kaeluran, makala'us tumeri si kikiiten é sétang an darem ing kécéi miow sa. Wo pekiupusenku en upus aitambér i Yesus Kristus Apo'ta mewali-wali oka wo icamu.

1 Korintus 1:10

Poo-poowku! Pekiupusenku ang karapi i ngaran i Apo'ta Yesus Kristus, wosama' kamu im baya esa nunuwu'. Tioo awéan papetanéan an uner iow, aweso taré kamu meesa en até wo esa em bewerot.

2 Korintus 1:4

Sia mengaibor icami am pakasa ing kawenduan ami. Sia maibor taniitu wosama' kami ro'na mibor sé tou walina an sapake' eng kawenduan éra, ang karapi im paiboran si tinerima ami asi Amang Kasuruan.

2 Korintus 13:9

Arui kami sa kamu keter, mandé ka'i kami ra'ica keter. Isombayang ami wosama' kamu maréng sumawel menonou wutul.

Efesus 4:12

Sé kamang itu aiwéé i Kristus wosama' sé tou le'nas makawoo mengaéma' in tawoien torona i Amang Kasuruan, wo tanu in owak i Kristus, kita ro'na makaketer am paémanen,

Efesus 4:3

Rumaméjio mangé ang karapi i mauli-ulit menonou meesa wo meeluran ang karapi é tou walina, ampa'paan kamu niéma' i Roh Le'nas i meesa wo iséra.

Efesus 6:23

Pekiupusenku wosama' si Amang Kasuruan Amangta wo si Yesus Kristus Apo'ta méma' sé poo-poow menonou ang kaeluran, ang kaupusan wo am paémanen.

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 3:16

Em penting keli kita menonou kiit asé sapa sé kinéréantao akar intarépé'.

Filipi 4:2

Euodia wo Sintikhe, yaku uli-ulit mekiupus ai camu, wosama' icamu maesao en até wo esa wewerot ampa'paan imeesa wo si Apo' Yesus.

Filipi 4:4

Maaru-aruio mangé ampa'paan kamu meesao wo si Apo' Yesus! Makasapé' icuaku, maaru-aruio mangé!

Filipi 4:9

Émaano mangé waya sé pinekisusuio miow wo sé tinerimao miow wo sé liningao miow wo sé sinéréo miow a yaku. Wo in taniitu, si Casuruan palemboian ing kaeluran mewali-wali oka wo icamu.

1 Tesalonika 3:10

Endo wo em bengi kami menomba-nombayang wosama' kami ro'na meta'up sumawel wo icamu. Wo susuian ami oka kamu en lumekep sé ra'ipé' lekep am paémanen iow.

1 Tesalonika 4:1

Poo-poow, aisusuio ami ai camu tambisa em peri mengaarui in até i Casuruan, wo kamu wutu-wutul menonouo tanu siitu. Wo intarépé' pangileken ami ai camu ang karapi ing kawasa i Apo' Yesus, wosama' kamu rumaméjipé' mangé menonou mengaarui si Amang Kasuruan.

1 Tesalonika 4:18

Ampa'paan in itu, musti isisil iow angé sumawel en sususuien anio' a sé tou walina wosama' kamu ro'na mengkeng-keteran in até.

1 Tesalonika 5:13

Pengasiriin angé sumama-sama' séra ang karapi ing kaupusan ampa'paano in tawoien éra. Wo kamu ka'i musti menonou angé mensan-samaan wo sé tou walina.

1 Tesalonika 5:16

En até miow musti tatap arui,

1 Tesalonika 5:23

Pangileken ami a si Amang Kasuruan wosama' émaan-Na eng katouan iow male'nas. Siao ka'i méma' icita menonou ang kaeluran. Pangileken ami ka'i téiran-Na mai en owak, en até wo e mu'kur iow wosama' an tutuw si Apo'ta Yesus Kristus maai sumawel, kamu ra'ica wana kaséaan ampa'paan kamu ra'ica iméma' ing kameséaan sapa-sapa.

2 Tesalonika 2:16

Si Apo'ta Yesus Kristus wo si Amang Kasuruan, Amangta mengaupuso mai cita. Aitambér-Nao mai en upus-Na ai cita wosama' ro'na méé ing kaketeran an até akar ing kauré-uré, wo méé mai im paarapen ai cita e makéré oka sé loor.

2 Tesalonika 3:1

Poo-poow, pangileken ami ai camu isombayang angé kami, wosama' en taar i Casuruan si pakua ami rior icaserar am bisa-wisa wo ro'na iparayo-rayo é tou tanu si mamuali ai camu indior.

2 Tesalonika 3:16

Wayake' si Casuruan e ro'na méma' in até é tou elur. Pangileken ami ai Sia wosama' endo wo em bengi émaan-Na en até miow elur am baya-waya. Pangileken ami ai Sia ka'i wosama' mewali-wali wo icamu im baya.

2 Timotius 2:22

Ampa'paan ituo, tumayango mangé ko asé kasalé-salé'an sé manaram pengaémaan é tou wo'bas. Taan ko rumaméji mangé mengaéma' in tana'i: Ra'ica mengarapit, lume'tek angé a si Casuruan, mengaupus angé sé kakélé in tou wo menonou angé elur wo sé kakélé tou. Émaano mangé waya en itu mewali-wali wo sé pakasa in tou sé maémano a si Casuruan ang karapi in até weresi.

Ibrani 12:14

Rumaméjio menonou meelu-eluran ang karapi é pakasa in tou, wo rumaméji ka'i menonou le'nas. Ampa'paan sa si tou ra'ica menonou le'nas, sia ra'ica suméré si Amang Kasuruan sa.

Ibrani 13:20

Si Yesus Apo'ta tinou sumawel i Amang Kasuruan am papaté. An tutuw Sia imaté en enda'-Na makatiti-titis wo en enda'-Na itu iméma' im perjanjian weru mapaké akar ing kauré-uré. Anaé, Sia mamuali Gembala Wangko' torona icita. Ampa'paano in itu pekiupusenku a si Amang Kasuruan si palemboian ing kaeluran torona miow,

Yakobus 1:4

Kamu kasake' le'tek maéman tanu siitu wosama' em paémanen iow wutu-wutul makaketer wo makaleke-lekep wo ra'ica imaina' sapa-sapa.

1 Petrus 3:11

Sia musti menonou tumayang asé kaléwo-léwo'an wo mengaéma'o mangé sé loor. Sia ka'i musti rumaméji ang karapi i mauli-ulit e menonou meelu-eluran wo sé tou walina.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.

1 Petrus 5:10

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.

Wahyu 22:21

En upus aitambér i Apo' Yesus mewali-wali wo icamu im baya! Ulit.