2 Korintus 12:9 - En Taar Weru a nunuwu' é Tontemboan

⁹ Taan en aisowat i Casuruan a yaku, “En upus aitambér-Ku aweso ai co. Ampa'paan eng kawasa-Ku makaleke-lekep oka sa ko ra'ica keter.” Ampa'paan in itu yaku lébé masalé en tumirayo sé ra'ica keter an owakku. Ampa'paan an tutuw aku ra'ica keter, eng kawasa i Kristus awéan mewali-wali wo yaku.

2 Korintus 12:9 ပူးပေါင်းရင်းမြစ်များ

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

Lukas 21:15

Ampa'paan, émaan-Ku oka kamu pinter manuwu' wosama' kamu ra'ica kasunduran wo ra'ica ro'na icélong é kaséké' miow.

1 Korintus 10:13

Sé pangepé'an pinendam iow itu, pangepé'an sé manaramo pengasangkumen é tou. Wo si Amang Kasuruan kasake' le'tek an janji-Na, anaé kamu ra'ica iwaya-Na asé pangépé'an sé ra'ica kawooan iow mamuléng. Taan tutuw iow pinangepé'an, kamu wéan-Na oka lalan akar kamu makawoo sumaru im pangepé'an.

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

1 Korintus 2:3

Wo an tutuwku maento' ang karapi miow, en owakku uli-ulit lembi wo maindé' keli akar en owakku gume'ger.

1 Korintus 2:5

Yaku méma' in taniitu, wosama' em paémanen iow ra'ica mamangén asi kapinteran in tou taan asi kawasa i Amang Kasuruan.

2 Korintus 11:30

Sa aku musti tumirayo in owakku in esa, yaku asalo mengatirayo sé andumoro' sé ra'ica keter an owakku.

2 Korintus 12:1

Yaku musti tumirayo andumoro' in owakku, mandé ka'i en itu ra'ica wana torona. Taan icasalé'ku tumirayo andumoro' sé ipapaturu' i Casuruan a yaku.

2 Korintus 12:10

Ampa'paan in ituo en atéku arui an tutuw aku ra'ica keter. Yaku ka'i arui mandé ipaséro', mawendu, pinaokoi, ang kasusaan ampa'paan makiit asi Kristus. Ampa'paan an tutuw aku ra'ica keter, yaku maketer ampa'paan i Kristus.

2 Korintus 12:15

Anaé, ang karapi in arui en até icasalé'ku maké im pakasa sé a yaku en isumelewir icamu, lébé-lébé eng katouanku in esa ka'i icasalé'ku iwéé ai camu. Kamu icaupusku keli, kéitu réén makaina'ke' en upus iow a yaku?

2 Korintus 12:5

Wo si patirayoku andumoro' i tou itu, ra'ica ipatirayoku en owakku. Taan sa aku tumirayo andumoro' in owakku in esa, en tirayoku wayake' andumoro' sé ra'ica keter an owakku.

Efesus 3:16

Pekiupusenku a si Amang Kasuruan si parayo-rayo wo pasiri-siriin itu, wosama' en até miow wutu-wutul keteren-Na ang karapi ing kawasa i Roh-Na,

Filipi 4:13

Ang kaadaan in sapake' eng kinasangkumanku, susa kuma'pa arui, kawooanku i muléng ampa'paan i Kristus si cumeter yaku.

Kolose 1:11

Pekiupusen ami ka'i a si Amang Kasuruan wosama' kamu keteren-Na mai ang karapi ing kawasa i rarayo wo in sisiri'-Na, wosama' an tutuw iow meta'up ing kawenduan, kamu kasake' le'tek wo talesen masaru waya in itu,

1 Timotius 1:14

Wopé'ka'i, si Casuruanta tumambéro mai ing kamang si lumébé-lébéo a yaku. Niéma'-Na ka'i aku akar makawoo maéman a si Kristus wo ka'i ro'na mengaupus sé tou walina.

Ibrani 11:34

awéan sé me'del in api mengembu-ngembung si ra'io icakua, awéan sé pinarak in sa'bel taan icaséip. Awéan sé lembi maketero, wo awéan ka'i sé maketero am paperangan akar icumala sé suraro sé am banua walina owo.

Ibrani 4:16

Ampa'paan in ituo, mayoo kita ang karapi in da'ica wana eng kaindé'an sumaru im palukutan pasiri-siriin i Casuruan si maturu' in upus tatambér. Wo in taniitu, kawisake' kita mapatawang, tantu wéé-Na oka mai eng kaupusan wo tumambérai in upus en itumawang icita.