2 Korintus 12:6 - En Taar Weru a nunuwu' é Tontemboan

⁶ Sa woo aku masalé' rumayo in owakku in esa, yaku ra'ica tou bodok, ampa'paan em pakuaku sé wutul. Taan aku tumang in owak wo ra'ica tumirayo sé aipapaturu itu, ampa'paan ra'ica casalé'ku kamu en numilai yaku ilumébé wo in sapa sé sinéréo miow kuma'pa sé liningao miow a yaku.

2 Korintus 12:6 ပူးပေါင်းရင်းမြစ်များ

Roma 9:1

Sapa en icuaku anio' wutul, ampa'paan aku meesao ang karapi i Kristus. Yaku ra'ica matowo. En até weresiku si pakaakinen i Roh Le'nas méé kasairian,

1 Korintus 3:5

Sa kumiit icamu, si séi réén si Apolos itu? Wo si séi réén si Paulus itu? Kami in dua asalo tou maselewir a si Amang Kasuruan. Kami sé makawalio icamu e maéman a si Kristus wo kami si esa wo si esa asalo maéma' in tawoien si airu'du' i Amang Kasuruan ai cami.

2 Korintus 1:18

Sa aku jumanji ang karapi i ngaran i Amang Kasuruan si le'tek, en janjiku ai camu itu ra'ica maru-rua wasa.

2 Korintus 11:16

Icuaku sumawel: Tioo awéan tou mawerot yaku anio' tou bodok. Taan sa wutul awéan tou mawerot yaku tanu siitu, iwayao mai aku tou bodok anio' tumirayo toyo'.

2 Korintus 11:31

Si Amang Kasuruan, Amang i Apo' Yesus, kailekan-Na aku ra'ica matowo. Irayoo mangé si Amang Kasuruan akar ing kauré-uré.

2 Korintus 12:11

Yaku rumayoo in owakku in esa tanuoka sé tou bodok. Taan kamuo sé ilumesé' akar aku méma' tanu siitu. En ulitna icamuo si musti mengarayo yaku tanu siitu. Ampa'paan mandé ka'i aku anio' ipakua é tou ra'ica makailek in sapa-sapa, taan am baya-waya yaku ra'ica kaindoan é ruru'du'an wangko' itu.

2 Korintus 12:7

Taan wosama' aku ra'ica talos tumirayo ampa'paan pinapaturu'an ing kakaya'kaan itu, anaé an owakku winéan esa tutuné. En itu aiwéé i kikiiten é sétang e méma' aku mawendu wosama' ra'ica tumirayo.

2 Korintus 5:13

Sa icami kaséréan tanu tou nganga', en itu ra'ica sapa-sapa. Ampa'paan icami mamuali taniitu en sumelewir si Amang Kasuruan. Wo sa icami kaséréan tanu tou ra'ica nganga', itu torona ing kalooran iow.

2 Korintus 7:14

Kamu iparayo-rayokuo a si Titus an tutuwna ra'ipé' mangé ai camu. Makapulu'sama', kamu ra'ica imapalawi' yaku. Pakasa sé aicuao ami ai camu wutul. Taniitu ka'i sapa sé iparayo-rayo ami andumoro' icamu a si Titus mémang wutul.