2 Korintus 12:4 - En Taar Weru a nunuwu' é Tontemboan

⁴ Si tou itu tumarépé'anke'mai icaangkai angé an Firdaus wo iluminga inunuwu sé ra'io icakua, wo ra'ica kasisilan é tou.

2 Korintus 12:4 ပူးပေါင်းရင်းမြစ်များ

Lukas 23:43

Icua i Yesus ai sia, “En ulitna icua-Ku ai co, asi endo anio'ke', ico mewali-wali oka wo Yaku an sorga.”

Kisah Para Rasul 8:39

An tutuw éra in dua kumesotai an dano, tumarépé'anke'mai iwali i Roh i Amang Kasuruan si Filipus wo sia ra'io kaséréan i kikiiten itu. Wo si kikiiten itu lumala'us im bawayaanna ang karapi in arui.

1 Korintus 13:1

Mandé ka'i aku ro'na maroma' ang karapi i membam-balinaan nunuwu' é tou wo ka'i nunuwu' é malaékat, taan sa aku ra'ica mengaupus sé tou walina, sé ipakuaku itu ra'ica wana torona, tanuoka téngéna in tambor wo in simbal taténgé keli.

2 Korintus 12:2

Katuusanku si esa tou maéman a si Kristus, sia tumarépé'anke'mai icaangkai angé asi salé' katelu an sorga sangapulu' epat ngata'un ilumangkoio. Ra'ica kailekanku en owakna wutu-wutul icaangkai angé kuma'pa en itu asalo ipapaturu'an, si Amang Kasuruanke' e makailek.

1 Tesalonika 4:17

Kekawus in itu, kita sé menonoué' asi témpo itu, angkaien oka i Amang Kasuruan ang kambung mewali-wali wo sé tou sé tinou-Nao sumawel wo sumungkul si Apo' Yesus ang kambung. Wo icita im baya mento' oka mewali-wali ang karapi i Apo' Yesus akar ing kauré-uré.

Wahyu 12:5

Wo si wéwéné itu makéré esa Toyaang tuama si merénta oka im pakasa im bangsa maké im beka' bési. Tumarépé'anke' si Toyaang itu andéten i esa malaékat wo uwitenna mangé a si Amang Kasuruan am palukutan pasiri-siriin-Na.

Wahyu 2:7

Si séi si makalunteng, lébé loor sia luminga sapa en aicua i Roh a sé jamaat. Si séi si muntung wéan-Ku oka sia kaloasan eng kuman im bua'na in tuura ing katouan si an untep in Taman Firdaus i Amang Kasuruan.”