2 Korintus 12:20 - En Taar Weru a nunuwu' é Tontemboan

²⁰ Em ipaindé-indé'ku sapaoka an tutuw aku maai ai camu kéréanku kamu ra'ica tanu im pinaarapku, wo kaséréan iow ka'i aku ra'ica tanu si paarapen iow. Ipaindé-indé'ku oréoka awéan sé mengindo-indoan roma', mengkanatan, mengkae'bowan, mengawerotke' in owakna in esa, mengaroros, memaa-maar a sé tou andumoro' sé raica wutul, mengatirayo wo mengalicoko.

2 Korintus 12:20 ပူးပေါင်းရင်းမြစ်များ

Roma 1:29

En até éra wuta ing kabengisan wo wuta ing kaléwo'an. Séra wuta ing kalongi'an wo ing kawurukan, wuta im panganaten, masalé' mengapaté tou, masalé' meindo-indoan roma', tampenguwak wo ra'ica makiit ing kasalé'an i Amang Kasuruan.

Roma 1:30

Séra masalé' memaa-maar in léwo' andumoro' sé tou walina, masalé' mengawuruk i ngaran é tou walina, séra masuut si Amang Kasuruan, ra'ica mengaadat a sé tou walina, tirayo wo maangkai in owak in esa. Séra pandé mawasa-wasa in léwo', masundur sé matu'a,

Roma 2:8

Taan sé tou menonou toronake' in owak éra in esa wo ra'ica le'tek mengaéma' in sususuien wutul-Na wo sé asalo mengéma-ngéma' sé léwo', séra icae'bow-Na keli.

1 Korintus 1:11

Poo-poowku, yaku kumua tanu siitu ampa'paan awéan sé tou am pamalé i Kloe cumua mai a yaku sapaoka an uner iow awéan sé meindo-indoan roma'.

1 Korintus 14:33

Ampa'paan si Amang Kasuruan ra'ica masalé' ing kalicokoan, taan en icasalé'-Na kaeluran.

1 Korintus 5:2

Mandé ka'i an uner iow awéan tou maéma' ing kameséaan tanu siitu taan kamu tirayopé'. Si patus ai icamu, kamu musti masusa en até wo si tou maéma' ing kaléwo'an itu musti icesot iow an jamaat.

2 Korintus 1:23

Si Amang Kasuruan en sairiku ampa'paan kailekan-Na en atéku. Yaku ra'ica mamuali maai ang Korintus, ampa'paan ra'ica kiimku mendu in até miow.

2 Korintus 10:2

wo pangilekenku tioo émaan iow aku repet en tumegor icamu an tutuwku maai ai camu sa. Ampa'paan aku mawasa en tumegor in depet sé tou makua icami asalo menonou mengakiit ing kasalé'an ing kayo'baan.

2 Korintus 10:6

Wo sa kamu wutu-wutulo le'tek a si Kristus, kami tu'tul mukum pakasa in tou sé ra'ica le'tek a si Kristus.

2 Korintus 12:21

Em paindé-indé'ku an tutuwku maai sa, yaku iwawa' i Amang Kasuruan an dior iow wo aku mawendu ampa'paan kelian sé an uner iow indior sé mengaéma' ing kamesé-meséaan wo ra'ipé' mape'dis mengéma-ngéma' sé karican, mengabersina, wo mengaéma' ing kasalé'an in owak sé ra'ica wutul.

2 Korintus 13:2

Asi keaiku kumarua, isumangkumo ta'néiku a sé tou sé iméma'o ing kamesé-meséaan wo ka'i a sé tou walina wosama' mentoo mio' mengéma-ngéma' ing kameséaan. Wo intarépé', ang karoro'an aku mentayangan wo icamu, ta'néiku sumawel sapaoka sa aku maai sa, repetanku oka en tumindak sé pakasa in tou sé mengéma-ngéma'pé' ing kamesé-meséaan.

2 Korintus 2:1

Anaé, pinusé'kuo an até, yaku ra'io maréng angé ai camu sa asalo iméma' in até miow mawendu.

Galatia 5:15

Taan kamu ra'ica toro tanuoka sé binatang mengkang-karétan wo menlo'-lo'motan. Mareti-retio wosama' kamu ra'ica mempatéan.

Galatia 5:26

Wo tioo mengatirayo, tioo mengaéma' sé tou walina mae'bow, wo tioo kokanat si esa wo sé walina.

Yakobus 4:11

Poo-poowku, tioo kamu si esa wo si esa mengawuruk i ngaran é tou. Si séi e muruk i ngaran i poowna esa paémanen kuma'pa tumudu meséa', en itu meputé imuruko wo imééo séa' in ukum i Amang Kasuruan. Wo in taniitu kamu ra'ica masalé' kumiit in ukum i Amang Kasuruan itu, taan imamualio akim si mengaséa' in ukum itu.

1 Petrus 2:1

Ampa'paan in ituo kamu ra'io toro mengéma-ngéma' pakasa ing kaléwo'an, pakasa sé mengauwak, pakasa sé punek, menii-niim ing kasuutan wo mengaléwo' i ngaran é tou walina.

2 Petrus 2:18

Séra menganuwu' mapaké i nunuwu' mengaangkai in owak wo ra'ica wana torona. Wo em pasusui éra ka'i andumoro' ing kasalé'an in owak mabersina en tumawér sumawel sé tou sé ra'ipé' uré icumesot an uner é tou sé mengakiit in sususuien ra'ica wutul itu.

Yudas 1:16

Séra itu mengimbuluke' wo mengawéé séa' a sé tou walina, taan séra in esa menonou makiit ing kasalé'an in owak éra mengaéma' ing kamesé-meséaan. Séra manuwu' mengaangkai in owak in esa wo manuwu' maarui sé tou walina e mekéré in untung.