2 Korintus 12:16 - En Taar Weru a nunuwu' é Tontemboan

¹⁶ Kailekan iow sapaoka aku ra'ica kawisa sumusa icamu an tutuwku mewali-wali wo icamu. Taan awéan tou an uner iow makua sapaoka aku pinter mengasali'si' i nunuwu' wo mengauwak e mindo ing kauntungan ai camu.

2 Korintus 12:16 ပူးပေါင်းရင်းမြစ်များ

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 11:20

Ipakawayake' miow sé tou sé mengaata icamu, sé mengaindo pakasa in anu miow, sé mengaindo ing kauntungan ai camu, sé mendam irumangka' mai wo icamu, wo sé ra'ica mindé' mengasepé' in amo miow.

2 Korintus 12:13

Paweroten iow réén ra'ipé' awes em pakatawangku ai camu? Pakasa sé niéma'ku ai camu itu meputé sé niéma'ku a sé jamaat walina. Sa aweané' si ra'ipé' niéma'ku ai camu, tantu si esa anio', yaku ra'ipé' kawisa mako irumu'du' icamu tumanggong ing kaperluanku. Sa en itu nianggap iow meséa', ampunganai aku.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

2 Korintus 6:8

Kami pasiriin, taan ka'i iparoro-roros; kami iparayo, taan ka'i ipawa'ba'-wa'ba'. Mandé ka'i kami mengasusui im butul, taan putudun mengauwak.

2 Korintus 7:2

Pekiupusenku, wukaano en até miow torona ami. Kami ra'ica wana kaséaan a si séike' mangé, wo ra'ipé' sumangkum ako awéan tou en rinugi ami. Wo kami ra'ica maéré-éré ing kalébéan a si séike' mangé.

1 Tesalonika 2:3

An tutuw ami makua in Abar Kaaruien itu, kami ra'ica masusui in sususuien sé mengasélé'kow. Kami ra'ica mengawasa-wasa in léwo' wo ra'ica kiim mengauwak sé tou.

1 Tesalonika 2:5

Si Amang Kasuruan en sairi ami, kailekan-Na wutul en an untep in até ami. Kailekan iow ka'i in esa kami ra'ica kawisa numuwu' i nunuwuun sé asaloke' mengaarui sé tou, wo kami ra'- ica kawisa mawasa-wasa in lumongi' im baya-waya.

1 Petrus 2:3

sa wutu-wutul kamu in esa sumangkumo tambisa eng kalooran i Casuruan.