2 Korintus 12:12 - En Taar Weru a nunuwu' é Tontemboan

¹² An tutuwku mewali-wali wo icamu, sinéréo miow in esa en tuus sapaoka aku anio' ruru'du'an, ampa'paan niéma'kuo sé tuus wo sé kakaya'kaan wo sé pengéma-ngémaan wangko'. Niéma'ku pakasa en itu ang karapi in talesen.

2 Korintus 12:12 ပူးပေါင်းရင်းမြစ်များ

Yohanes 4:48

Icua i Yesus ai sia, “Sa ra'ipé' sinéré miow en tuu-tuus wo eng kakaya'kaan, ra'ipé' percayan iow.”

1 Korintus 14:18

Yaku kumua makapulu'sama' a si Amang Kasuruan, ampa'paan pendamenku in esa aku lumébémai wo icamu im baya mengaroma' i nunuwu' i Roh.

2 Korintus 11:4

Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.

2 Korintus 11:6

Mandé ka'i aku ra'ica pinter maroma', taan andumoro' ing kakailekan yaku ra'ica tou bodok. Aituru'o ami en itu ai camu am pakasa in témpo wo am baya-waya.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.