2 Korintus 12:11 - En Taar Weru a nunuwu' é Tontemboan

¹¹ Yaku rumayoo in owakku in esa tanuoka sé tou bodok. Taan kamuo sé ilumesé' akar aku méma' tanu siitu. En ulitna icamuo si musti mengarayo yaku tanu siitu. Ampa'paan mandé ka'i aku anio' ipakua é tou ra'ica makailek in sapa-sapa, taan am baya-waya yaku ra'ica kaindoan é ruru'du'an wangko' itu.

2 Korintus 12:11 ပူးပေါင်းရင်းမြစ်များ

Lukas 17:10

Taniituo ka'i kamu. Sa niéma'o miow waya sé airu'du' i Amang Kasuruan ai camu, kumuao mangé in tana'i, ‘Kami asaloke' ata si ra'ica patus makéré i rarayo. Kami mengaéma'ke' sé airu'du' ai cami.’ ”

1 Korintus 13:2

Mandé ka'i aku tinambéranai ing kamang eng kumua in taar i Amang Kasuruan, makailek im pakasa sé paene-enep, makaanuo waya ing kakailekan, wo makaanu im paémanen lumeke-lekep e ro'na méra ing kuntung, taan sa aku ra'ica mengaupus sé tou walina, yaku uli-ulit ra'ica wana torona.

1 Korintus 3:22

Yaku si Paulus, si Apolos wo si Petrus aiwéé i Amang Kasuruan ai camu. Aiwéé-Na ka'i ai camu eng kayo'baan, eng katouan wo em papaté, si endo anio' wo ka'i si endo maai sa, pakasa en itu torona miow.

2 Korintus 1:6

Sa kami makéré ing kawenduan, en itu e méé pangiboran wo ing kalowiran ai camu. Wo sa kami iboren, en itu iboran ai camu ka'i, akar kamu makatalesen sumaru ing kawenduan-kawenduan sé meputé im pinendam ami mai.

2 Korintus 11:1

Yaku masalé' rumayo toyo' in owakku mandé en itu tanuoka im paémaan é tou bodok, anaé pekiupusenku ai camu wosama' lumesen toyo' luminga sé icuaku. Ulit kamu taloso talesen a yaku!

2 Korintus 11:5

Yaku uli-ulit ra'ica mendam lébé wawa' wo sé ruru'du'- an wangko' itu.

2 Korintus 12:12

An tutuwku mewali-wali wo icamu, sinéréo miow in esa en tuus sapaoka aku anio' ruru'du'an, ampa'paan niéma'kuo sé tuus wo sé kakaya'kaan wo sé pengéma-ngémaan wangko'. Niéma'ku pakasa en itu ang karapi in talesen.

2 Korintus 12:6

Sa woo aku masalé' rumayo in owakku in esa, yaku ra'ica tou bodok, ampa'paan em pakuaku sé wutul. Taan aku tumang in owak wo ra'ica tumirayo sé aipapaturu itu, ampa'paan ra'ica casalé'ku kamu en numilai yaku ilumébé wo in sapa sé sinéréo miow kuma'pa sé liningao miow a yaku.

2 Korintus 3:1

Paweroten iow réén kami marayo in owak ami ka'i? Ra'ica taniitu em paémaan ami. Awéan piraan tou maperlu in surat kaloasan e mangé ituru' ai camu, kuma'pa surat aipatic iow paalin angé an tampa walina. Taan icami ra'ica maperlu sé surat tanu siitu.

2 Korintus 5:13

Sa icami kaséréan tanu tou nganga', en itu ra'ica sapa-sapa. Ampa'paan icami mamuali taniitu en sumelewir si Amang Kasuruan. Wo sa icami kaséréan tanu tou ra'ica nganga', itu torona ing kalooran iow.

Galatia 6:3

Ampa'paan sa awéan tou mawerot en owakna in esa penting, taan en ulitna sia itu tou ra'ica penting, eng kaangéanna sia itumowoo an owakna in esa.

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,