2 Korintus 12:1 - En Taar Weru a nunuwu' é Tontemboan

¹ Yaku musti tumirayo andumoro' in owakku, mandé ka'i en itu ra'ica wana torona. Taan icasalé'ku tumirayo andumoro' sé ipapaturu' i Casuruan a yaku.

2 Korintus 12:1 ပူးပေါင်းရင်းမြစ်များ

Yohanes 16:7

Taan en aicua-Ku anio' wutul, lébé awéan eng katoronaan ai camu sa Aku maangém a si Amang, ampa'paan sa Aku ra'ica maangé, si Roh Matawang itu ra'ica kawisa maai ai camu. Taan sa Aku maangém, yutus-Ku oka mai Sia ai camu.

Yohanes 18:14

Si Kayafas anioo en sumangkumo sumina'u sé kikiiten é tou Yahudi tanu si anio', “Lébé loor esake' tou e maté wotaré pakasa sé tou Yahudi pakapaté-patén.”

Kisah Para Rasul 18:9

Asi sanga wengi, si Paulus pinapaturu'an. Am pinapaturu'an itu, si Casuruan kumua ai sia, “Tioo ko maindé'! Lala'uso eng kumua in taar i Amang Kasuruan ai séra tioo makapeneske'.

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

1 Korintus 10:23

Poo-poow, awéan sé tou makua in tana'i, “Sapake' sé icasalé'ta ro'na émaanta.” En itu wutul, taan ra'ica pakasa sé icasalé'ta itu awéan en torona. “Ro'na émaanta sapake' sé icasalé'ta” taan ra'ica pakasa sé icasalé'ta itu ro'na méé ing kaketeran in até é tou.

1 Korintus 14:6

Anaé é poo-poow, sa aku maai ai camu wo maroma' mapaké i nunuwu' i roh, en itu ra'ica wana en toronana ai camu. Lébé awéan torona sa aku makua i nunuwu' sapa si aicua i Amang Kasuruan a yaku kuma'pa eng kakailekan andumoro' i Amang Kasuruan, kuma'pa kumua in abar asi Amang Kasuruan owo, kuma'pa sumusui icamu.

1 Korintus 6:12

Awéan tou an uner iow makua, “Sapa-sapake' ro'na émaanku.” Taan sa aku, ra'ica pakasa sé pengaémaan é tou awéan torona. Anaé, mandé ka'i aku ro'na méma' in sapake' mangé, taan ra'ica kiimku en owakku kawasan in sapake' mangé itu.

2 Korintus 12:11

Yaku rumayoo in owakku in esa tanuoka sé tou bodok. Taan kamuo sé ilumesé' akar aku méma' tanu siitu. En ulitna icamuo si musti mengarayo yaku tanu siitu. Ampa'paan mandé ka'i aku anio' ipakua é tou ra'ica makailek in sapa-sapa, taan am baya-waya yaku ra'ica kaindoan é ruru'du'an wangko' itu.

2 Korintus 12:5

Wo si patirayoku andumoro' i tou itu, ra'ica ipatirayoku en owakku. Taan sa aku tumirayo andumoro' in owakku in esa, en tirayoku wayake' andumoro' sé ra'ica keter an owakku.

2 Korintus 12:7

Taan wosama' aku ra'ica talos tumirayo ampa'paan pinapaturu'an ing kakaya'kaan itu, anaé an owakku winéan esa tutuné. En itu aiwéé i kikiiten é sétang e méma' aku mawendu wosama' ra'ica tumirayo.

2 Korintus 12:9

Taan en aisowat i Casuruan a yaku, “En upus aitambér-Ku aweso ai co. Ampa'paan eng kawasa-Ku makaleke-lekep oka sa ko ra'ica keter.” Ampa'paan in itu yaku lébé masalé en tumirayo sé ra'ica keter an owakku. Ampa'paan an tutuw aku ra'ica keter, eng kawasa i Kristus awéan mewali-wali wo yaku.

2 Korintus 8:10

Kiit im bewerotku, an témponao lekepen iow sapa sé niéma'o miow tumo'tol asi ta'un lumangkoi. Ampa'paan icamuo eng kataré-taré merot wo tumo'tol in tawoien mengawéé roit ipatawang.

Galatia 1:12

Ampa'paan en Abar Kaaruien itu ra'ica tinerimaku asé tou, wo ka'i ra'ica wana tou en sumusui in Abar Kaaruien a yaku. Taan si Yesus Kristus in esa en cumua in Abar Kaaruien itu a yaku.

Galatia 2:2

Yaku mangé an Yerusalem ampa'paan si Amang Kasuruan icumuao a yaku e musti maangé. Wo an tutuwku a mangé mbitu, yaku meta'up wuntulke' a sé tou sé nianggap pasiriin an jamaat. Wo ipepaarku a sé kikiiten an jamaat itu en Abar Kaaruien andumoro' i Yesus Kristus sé ipakua-kuakuo a sé tou ra'ica Yahudi, wosama' kakailekan é kikiiten sapaoka en tawoienku wutu-wutul mééo im buéna. Wo in taniitu em paraméjianku mengakua in Abar Kaaruien itu a sé tou ra'ica Yahudi indior wo intarépé' ra'ica mara'i-ra'i.

Efesus 3:3

Si Amang Kasuruan in esa en icumua a yaku andumoro' im pawasa-wasan-Na sé aicaenepé', tanu si aipaticku asi suratku anio' mandé ka'i ing kolekke'.

1 Tesalonika 4:15

Si Apo' Yesus in esa sumangkumo icumua sa Sia maai oka sumawel. Wo kita sé menonoué' an tutuw Sia maai sumawel, ra'ica icaangkai rior wo sé tou imatéo.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.