2 Korintus 11:8 - En Taar Weru a nunuwu' é Tontemboan

⁸ An tutuwku mengaselewir ai camu, yaku mengakéré roit asé jamaat an sangkum walina. Ro'na icua sapaoka rinombitkuo en doit é jamaat walina itu en sumelewir ai camu.

2 Korintus 11:8 ပူးပေါင်းရင်းမြစ်များ

1 Korintus 4:12

Kami matawoi ang karapi ing keter ami in esa torona ing katouan ami. Sa awéan tou mangawa'ba' icami, pekiupusen ami a si Amang Kasuruan eng kumamangai séra. Sa awéan tou maokoi icami, sarun ami ang karapi in talesen wo ra'ica suliin ami.

1 Korintus 9:6

Kuma'pa wayake' réén yaku wo si Barnabas e musti mangéré sé paperlun ami susur in endo?

2 Korintus 11:9

Wo an tutuwku lengéi an uner iow, ra'ipé' kawisa mako aku sumusa mandé esake' tou ai camu. Pakasa sé paperlunku tinu'tul é poo-poow an esa paémanen sé imai a Makedonia owo. Tinéiranku sumama-sama' en owakku wosama' aku ra'ica mamuali pamuléngen iow an sapa-sapaanke', wo émaanku oka melala'us tanu siitu.

Filipi 4:18

Pakasa eng kaperluanku kinakiitano, wo sé awéan a yaku ilumébéo asi paperlunku. Ampa'paan yaku tumerimao im patawang iow itu asi Epafroditus owo. En doit aiwéé miow itu meputé im paragés mawou manam si icasalé' i Amang Kasuruan si patus ai Sia.