2 Korintus 11:7 - En Taar Weru a nunuwu' é Tontemboan

⁷ An tutuwku makua in Abar Kaaruien i Amang Kasuruan ai camu, yaku ra'ica imangilek ongkos ai camu mandé waya'ke' im pira. Wo in taniitu iwawa'ku en owakku e rumangka' icamu. Meséa' réén sé niéma'ku itu? Tantu ra'ica!

2 Korintus 11:7 ပူးပေါင်းရင်းမြစ်များ

Kisah Para Rasul 20:33

Yaku ra'ica kawisa masalé' i mas, pérak kuma'pa karai asi séike' mangé.

Kisah Para Rasul 20:34

Kailekano miow ka'i sa aku matawoi ang karapi ing kamaku in esa, akar ro'na kawooanku, pakasa eng kaperluan in owakku wo sé kara-karapiku sé mengakiit yaku.

Roma 1:1

En surat anio' a yaku owo, Paulus. Yaku anio' ata i Kristus Yesus si tinowao mamuali ruru'du'an-Na wo si sinisiro eng kumua in Abar Kaaruien i Amang Kasuruan.

1 Korintus 9:12

Sa sé tou walina masusui in Taar i Casuruan ai camu wo séra awéan hak e makéré sé paperlun éra susur in endo ai camu, tantu icamipé' en lébé awéan hak wo iséra. Taan ra'ica kiim ami maké in hak itu. Aweso taré tanggongen ami in esa eng kawenduan ami, wosama' kami ra'ica sumémpér sé tou en tumerima in Abar Kaaruien andumoro' i Yesus Kristus.

1 Korintus 9:6

Kuma'pa wayake' réén yaku wo si Barnabas e musti mangéré sé paperlun ami susur in endo?

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 10:16

Wo in taniitu, kami ro'na kumua in Abar Kaaruien itu a sé tou ang kesot ing Korintus. Wo kami ra'io sangali tumirayo in owak ampa'paan in tawoien é tou walina sé aitantuo in tawoien éra.

2 Korintus 12:13

Paweroten iow réén ra'ipé' awes em pakatawangku ai camu? Pakasa sé niéma'ku ai camu itu meputé sé niéma'ku a sé jamaat walina. Sa aweané' si ra'ipé' niéma'ku ai camu, tantu si esa anio', yaku ra'ipé' kawisa mako irumu'du' icamu tumanggong ing kaperluanku. Sa en itu nianggap iow meséa', ampunganai aku.

2 Korintus 2:12

An tutuwku icateka'o mangé an Troas eng kumua in Abar Kaaruien andumoro' i Yesus Kristus, kinaséréankuo sapaoka si Amang Kasuruan imuka'o in lalan a yaku en sumelewir am bitu.

1 Tesalonika 2:9

Poo-poow, tantu kata'néiané' miow tambisa kami rumaméji menawo-nawoi endo wo em bengi en tumanggong ing kaperluan ang katouan ami in esa, wosama' kami ra'ica méé pamuléngen an esaan angé ai camu an tutuw ami makua in Abar Kaaruien i Amang Kasuruan ai camu.

2 Tesalonika 3:8

Kami ka'i ra'ica kawisa kuman ing kakanen é tou walina wo ra'ica winéran. Taan kami ka'i re'dem ulit matawoi endo wo em bengi wosama' kami ra'ica mamuali pamuléngen iow.