2 Korintus 11:4 - En Taar Weru a nunuwu' é Tontemboan

⁴ Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.

2 Korintus 11:4 ပူးပေါင်းရင်းမြစ်များ

Markus 7:9

Icua ka'i Yesus ai séra, “Pandéi keli tuu kamu makélong im perénta i Amang Kasuruan, wosama' ro'na paliaran iow eng kanaramen iow in esa.

Kisah Para Rasul 4:12

Si Yesuske' e ro'na lumowir sé tou. Ampa'paan ra'ica wana ngaran walina ang kayo'baan anio' e ro'na lumowir sé tou.”

Roma 8:15

Ampa'paan e Roh aiwéé i Amang Kasuruan ai camu itu, ra'ica méma' icamu mamuali ata akar kamu menonou ang kaindé'an. Taan e Roh aiwéé i Amang Kasuruan itu, méma' icamu mamuali toya-toyaang i Amang Kasuruan. Wo e Roh i Amang Kasuruan itu maakin icita akar patowanta si Amang Kasuruan, “Amang, o Amangku!”

1 Korintus 3:11

Ampa'paan em patuuran si aitulir itu Siao si Yesus Kristus. Wo ra'ica wana mandé esake' tou e ro'na tumulir im patuuran walina.

2 Korintus 11:1

Yaku masalé' rumayo toyo' in owakku mandé en itu tanuoka im paémaan é tou bodok, anaé pekiupusenku ai camu wosama' lumesen toyo' luminga sé icuaku. Ulit kamu taloso talesen a yaku!

2 Korintus 2:12

An tutuwku icateka'o mangé an Troas eng kumua in Abar Kaaruien andumoro' i Yesus Kristus, kinaséréankuo sapaoka si Amang Kasuruan imuka'o in lalan a yaku en sumelewir am bitu.

Galatia 3:2

Sowateno mai em buwuéienku anio': Ampa'paan in sapa réén kamu tumerima i Roh Le'nas? Ampa'paan mengaéma' in ukum Torat kuma'pa luminga in Abar Kaaruien wo maéman a si Kristus?

1 Timotius 1:3

An tutuwku maangém a Makedonia, pangilekenku ko mentoo mio' an Efesus. Am bitu ko ro'na sumina'u sé tou masusui in sususuien ra'ica wutul, wosama' yento' érao masusui in sususuien sé ra'ica wutul itu.

1 Timotius 2:5

Si Amang Kasuruan wayake' in esa, wo ka'i wayake' in esa e makawali sé tou a si Amang Kasuruan, Siao si Kristus Yesus.