2 Korintus 11:31 - En Taar Weru a nunuwu' é Tontemboan

³¹ Si Amang Kasuruan, Amang i Apo' Yesus, kailekan-Na aku ra'ica matowo. Irayoo mangé si Amang Kasuruan akar ing kauré-uré.

2 Korintus 11:31 ပူးပေါင်းရင်းမြစ်များ

Yohanes 10:30

Yaku wo si Amang-Ku esa.”

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Roma 1:25

Séra ra'ica maéman in sususuien wutul andumoro' i Amang Kasuruan, taan mapercaya sé ra'ica wutul. Séra ra'io marayo wo maapo' a si Amang Kasuruan si méma' in tana' wo en langit, taan maapo'ke' a sé niéma' i Amang Kasuruan. En ulitna si Amang Kasuruano iméma' im baya-waya wo Siake' em patus iparayo-rayo akar ing kauré- uré. Ulit.

Roma 1:9

Kamu ipenomba-nombayangku wo si Amang Kasuruano en sairi sapaoka aku uli-ulit mengasombayang torona miow. Siao si Amang Kasuruan si pengaselewiranku ang karapi in lekep en até an tutuwku mengakua in Abar Kaaruien andumoro' i Toyaang-Na.

Roma 15:6

Wo in taniitu, kamu ro'na meesa en até wo esa nunuwu' e rumayo wo sumiri' si Amang Kasuruan, Amang i Yesus Kristus Apo'ta.

Roma 9:1

Sapa en icuaku anio' wutul, ampa'paan aku meesao ang karapi i Kristus. Yaku ra'ica matowo. En até weresiku si pakaakinen i Roh Le'nas méé kasairian,

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!

2 Korintus 1:23

Si Amang Kasuruan en sairiku ampa'paan kailekan-Na en atéku. Yaku ra'ica mamuali maai ang Korintus, ampa'paan ra'ica kiimku mendu in até miow.

2 Korintus 1:3

Mayoo kita rumayo si Amang Kasuruan, Amang i Apo'ta Yesus Kristus. Sia itu Amang si wuta ing kaupusan wo Siao si Amang Kasuruan si mengibo-ibor icita.

2 Korintus 11:11

Kéitu réén icuaku in taniitu? Ra'ica réén icaupusku kamu? Kailekan i Amang Kasuruan kamu icaupusku.

Galatia 1:20

Sapa sé aipaticku ai camu anio' wutul, wo kailekan i Amang Kasuruan aku ra'ica matowo.

Efesus 1:3

Irayoo mangé si Amang Kasuruan, Amang i Apo'ta Yesus Kristus! Si Amang Kasuruan itumambéro mai ai cita pakasa ing kamang sé an sorga owo, ampa'paan kita meesao wo si Kristus.

Efesus 3:14

Ampa'paan in ituo, an tutuwku tuma'néi waya in itu, yaku kumundu wo sumombayang a si Amang Kasuruan Amangta,

Kolose 1:3

An tutuw iow pengasombayang ami, pengua-ngua ami i makapulu'sama' a si Amang Kasuruan, Amang i Apo'ta Yesus Kristus,

1 Tesalonika 2:5

Si Amang Kasuruan en sairi ami, kailekan-Na wutul en an untep in até ami. Kailekan iow ka'i in esa kami ra'ica kawisa numuwu' i nunuwuun sé asaloke' mengaarui sé tou, wo kami ra'- ica kawisa mawasa-wasa in lumongi' im baya-waya.

1 Timotius 1:11

En sususuien wutul itu aipatic an Abar Kaaruien andumoro' i Yesus Kristus, si asi Amang Kasuruan wangko' owo si patus parayo. Wo en Abar Kaaruien itu aitokéo a yaku en icua.

1 Timotius 1:17

Irayoo si Amang Kasuruan! Siao si Colanota akar ing kauré-uré. Sia awéan akar ing kauré-uré, Sia ra'ica kaséréan wo Sia wayake' in esa. Sia itu parayo-rayo wo pasiri-siriin akar ing kauré-uré. Ulit.

1 Timotius 6:16

Siao ka'i si ra'ica kakawasaan im papaté. Sia menonou ang kasendotan wo sé tou ra'ica toro sumusut asi sendot itu. Wo ra'ipé' wana tou si sumangkumo suméré Sia. Siake' si patus siriin. Pakasa eng kawasa ai Sia akar ing kauré-uré. Ulit.

1 Petrus 1:3

Irayoo mangé si Amang Kasuruan! Sia itu Amang i Apo'ta Yesus Kristus. Irayota Sia ampa'paan taloso wangko' eng kaupusan-Na ai cita akar kita imakéréo ing katouan weru, si katouan wuta im paarapen. Kita ro'na makéré ing katouan weru itu ampa'paan indior si Yesus Kristus itumouo sumawel am papaté.