2 Korintus 11:30 - En Taar Weru a nunuwu' é Tontemboan

³⁰ Sa aku musti tumirayo in owakku in esa, yaku asalo mengatirayo sé andumoro' sé ra'ica keter an owakku.

2 Korintus 11:30 ပူးပေါင်းရင်းမြစ်များ

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

1 Korintus 2:3

Wo an tutuwku maento' ang karapi miow, en owakku uli-ulit lembi wo maindé' keli akar en owakku gume'ger.

2 Korintus 12:1

Yaku musti tumirayo andumoro' in owakku, mandé ka'i en itu ra'ica wana torona. Taan icasalé'ku tumirayo andumoro' sé ipapaturu' i Casuruan a yaku.

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.